21 Sáýir, 2020 Aımaqtar

Memleket sáýir jáne mamyr aılary úshin 15 myń teńgeden kommýnaldyq qyzmet aqysyn tóleıdi

qamshy.kz

Bul týraly oblystyq qoǵamdyq kommýnıkasııa ortalyǵynda ótken brıfıngte Mańǵystaý oblysy energetıka - turǵyn úı kommýnaldyq sharýashylyǵy basqarmasy basshysynyń orynbasary Nurlan Orynbasarov málim etti.

Elimizde qabyldanǵan tótenshe jaǵdaıǵa baılanysty kommýnaldyq qyzmet kórsetýshilerge shyǵyndardy óteý týraly erejesine sáıkes, halyqtyń áleýmettik osal tobynyń kelesi 7 sanaty boıynsha jeke shoty bar adamdarǵa kómek beriledi:

1) 1,2,3-shi toptaǵy múgedekter;

2) múgedek balalardy tárbıelep otyrǵan otbasylar;

3) kópbalaly otbasylar;

4) Uly Otan soǵysynyń múgedekteri men qatysýshylary jáne Uly Otan soǵysynyń múgedekteri men qatysýshylaryna teńestirilgen adamdar;

5) memlekettik nemese qoǵamdyq mindetterdi oryndaý, áskerı qyzmet atqarý kezinde, ǵarysh keńistigine ushýdy daıyndaý nemese júzege asyrý kezinde, adam ómirin qutqarý, quqyqtyq tártipti qorǵaý kezinde qaza tapqan adamdardyń otbasylary;

6) eń tómengi jáne odan tómen zeınetaqy alatyn zeınetkerler;

7) ataýly áleýmettik kómek alatyn azamattar, sonyń ishinde jalǵyz basty zeınetkerler.

Mańǵystaý oblysynda halyqtyń áleýmettik jaǵynan osal toptaryna jatatyn 73 646 adam bar, qazirgi tańda tıisti kommýnaldyq qyzmet kórsetetin kásiporyndarmen birlesip olardyń qanshasynda jeke shot bar ekeni anyqtalýda.

 MO energetıka - turǵyn úı kommýnaldyq sharýashylyǵy basqarmasy basshysynyń orynbasary Nurlan Orynbasarovtyń aıtýynsha, memleket sáýir jáne mamyr aılary úshin 15 myń teńgeden kommýnaldyq qyzmet aqysyn tóleıdi. Sondyqtan ótinim berýge asyǵyp, áýrege túspeýge shaqyramyz. О́ıtkeni, sáýir aıynyń tólemderi mamyr aıynda, tıisinshe mamyr aıynyń tólemderi maýsym aıynda júrgiziletindigin eskerý qajet.

Shyǵyndardy óteý erejesine sáıkes tutynýshylar jeke sáıkestendirý nómiri, áleýmettik mártebesin jáne jeke shot málimetterimen ótinim berýi tıis.

Halyqtyń áleýmettik osal tobynyń mártebesi rastalǵan jaǵdaıda jergilikti ákimdik qarajattardy kommýnaldyq qyzmet kórsetýshi mekemelerdiń esep aıyrysý shottaryna aýdarady, olar óz kezeginde, esepti kommýnaldyq qyzmetterdiń kólemine proporsıonaldy túrde júrgizedi.

Kómek joǵaryda atalǵan sanattarǵa jatatyn, óz atyna kommýnaldyq qyzmet kórsetýshimen jasalǵan kelisim-sharty bar jáne karantın engizilgen eldi mekenderde turatyn azamattarǵa kórsetiledi.

Sonymen qatar, múgedek balalardy tárbıelep otyrǵan otbasylar, kópbalaly otbasylar jáne memlekettik nemese qoǵamdyq mindetterdi oryndaý, áskerı qyzmet atqarý kezinde, ǵarysh keńistigine ushýdy daıyndaý nemese júzege asyrý kezinde, adam ómirin qutqarý, quqyqtyq tártipti qorǵaý kezinde qaza tapqan adamdardyń otbasy músheleriniń bireýinde jeke shoty bolsa da tólenedi.

 Aıta ketetin jáıt, «Turǵyn úı qatynastary týraly» Zańynyń 2-babyna sáıkes kommýnaldyq tólemder - sý, jylý, gaz, elektr energııasy, qoqys shyǵarý jáne lıft qyzmetteri  úshin tólenedi.

Kommýnaldyq qyzmet shyǵyndaryn óteý retindegi kómekti alý úshin tutynýshy óziniń ótinishin jumys ýaqytynda saǵat 09.00-den 18.00-ge deıin jergilikti ákimdik janynan ashylǵan call-ortalyqtardyń nómirleri boıynsha habarlasyp, rastaýy qajet.

Atalǵan jumystardy uıymdastyrý qalalar men aýdandar ákimdikterimen júrgizilýde jáne basqarmanyń turaqty baqylaýynda.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir