Bıyl aldaǵy shilde aıynda Mańǵystaý oblysyndaǵy Túpqaraǵan aýdanynda iri qus fabrıkasy iske qosylady. Bul týraly qoǵamdyq kommýnıkasııa ortalyǵynda ótken brıfıngte Mańǵystaý oblysy ákiminiń orynbasary Baqytjan Qashaqov málimdedi.

Búginde aımaqqa qus eti tolyq syrttan, Qostanaı oblysy men Almaty qalalarynan jáne ózge elderden tasymaldanady. Jeke úıinde qus ósiretin turǵyndardy qospaǵanda barlyǵy syrtqy ónimdi tutynady. «Al, Túpqaraǵan aýdanyndaǵy «Aqtaý Agro» qus fabrıkasy iske qosylǵan soń, óńir halqynyń 1 jyldyq qajettiliginiń 50 prosentin qamtamasyz etedi. Kásiporynnyń jyldyq qýaty 5 myń tonna»,-deıdi B.Qashaqov.

Investısııalyq jobanyń quny – 4,5 mlrd teńge. Qazir mundaǵy qusty soıý sehy 80 % daıyn tur. Qajetti qural-jabdyqtar Irannan keldi. Montajdaý jumystary jasalyp jatyr. Inkýbator sehy 75 % daıyn. Osy aıda qural-jabdyǵy kelip montajdaý jumystary bastalady. Qus qoralary, ákimshilik ǵımarattary men garaj syndy 16 ǵımarattan turatyn kásiporyn qurylysy aıaqtalýǵa jaqyn. Gaz, toq, sý qubyrlaryn tartý jumystary da aldaǵy maýsym aıynda aıaqtalady. Qazir qurylys basynda 60 adam, kásiporyn iske qosylǵan soń 120 adam turaqty jumysqa ornalasady. Fabrıka bastapqyda 30 % jumysty baıtaıdy da, kezeń-kezeńimen 100 % qýatta jumysqa kirisedi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir