QR Ulttyq ekonomıka mınıstri Rýslan Dálenov Májilistiń jalpy otyrysynda júrgizýshi kýáliginiń jaramdylyq merzimi ótip ketken azamattarǵa qandaı quqyq beriletinin aıtty, dep habarlaıdy Qamshy.kz aqparat agenttigi QazAqparat deregin negizge alyp.

– Qujatynyń jaramdylyq merzimi ótken azamattarǵa tótenshe jaǵdaı rejımi kezinde ony jańartý múmkin emestigine baılanysty mundaı qujatty paıdalaný quqyǵyn berý qajet dep sanaımyn. Qazirgi ýaqytta Ishki ister mınıstrligi óz quzyreti aıasynda bul máseleni sheshý úshin qaýly jobasyn ázirlep jatyr. Osylaısha, tótenshe jaǵdaı rejımi kezinde jaramdylyq merzimi ótken qujattardy azamattarymyzǵa paıdalaný quqyǵy berilmek, – dedi ol.

Al Ishki ister mınıstriniń orynbasary Iýrıı Ilın mınıstrdiń buıryǵymen kólik júrgizýge ruqsat beretin qujatynyń jaramdylyq merzimi ótip ketken azamattardy ákimshilik jaýapkershilikke tartpaý týraly tapsyrma berilgenin aıtady.

– Jeke kýálikke qatysty aıtar bolsaq, qazir Memleket basshysynyń atyna usynys ázirlendi. Bul tótenshe jaǵdaı rejıminiń qoldanys kezeńinde atalǵan normany Prezıdent Jarlyǵymen uzartý úshin qajet. Ondaı qujattar tizimi óte kóp, – dedi mınıstr orynbasary.

Osy oraıda Májilis tóraǵasy Nurlan Nyǵmatýlın tótenshe jaǵdaı kezinde 99,5 myń jeke kýáliktiń, 68 myń júrgizýshi kýáliginiń jaramdylyq merziminiń ótip ketkenin aıtty.

– Buǵan qosa mamyrda 90 myń jeke kýáliktiń jaramdylyq merzimi aıaqtalady eken. Munyń barlyǵy tótenshe jaǵdaı kezeńinde oryn alyp otyr ma?, – dep surady ol Iýrıı Ilınnen.

Ishki ister mınıstrinen naqtylanǵan jaýap alǵannan keıin Májilis tóraǵasy elimizde tótenshe jaǵdaı rejımi engizilgen jaǵdaıda adamdar merzimi ótken qujattarymen ne isteý keregin túsinýi úshin mundaı normanyń qajet ekenin basa aıtty.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir