26 Sáýir, 2020 NEWS

Mańǵystaý oblysynda mal sharýashylyǵyn damytýǵa 36 mln. teńge bólinedi

qamshy.kz

Bul týraly qoǵamdyq kommýnıkasııa ortalyǵynda ótken brıfıngte Mańǵystaý oblysy ákiminiń orynbasary Baqytjan Qashaqov málimdedi.

Aýyl sharýashylyǵy salasyn damytý maqsatynda qarjy ınstıtýttaryna shaǵyn nesıe berýge 1,2 mlrd. qarajat bólindi. Osy boıynsha aımaqta 2 qarjy ınstıtýty jumys isteıdi, onyń birinshisi – aýyl sharýashylyǵyn qarjylaı qoldaý qory. Bul qorǵa 841 mln. teńge bólingen. Talapqa sáıkes, kásipker bul qordan 7 jylǵa 6% nesıe ala alady. Shamamen nesıe kólemi 4 mln. teńge. Aıta keteıik, ekinshi ınstıtýt agronesıe korporasııasyna 361 mln. teńge bólindi. Onyńda talaby dál sondaı  (7 jylǵa, 6%). Alaıda beretin nesıe kólemi 6 mln. teńgeni quraıdy.

2020 jyldyń 3 aıynyń qorytyndysy boıynsha Mańǵystaý oblysy mal sharýashylyǵy óniminiń jalpy shyǵarylymy 2,3 mlrd. teńgeni qurady. Statıstıkaǵa súıenetin bolsaq, óńirde iri qara maldyń sany 29 226, qoı men eshki 617 000, jylqy 117 000, túıe 83 000 bas. Josparǵa sáıkes, jergilikti bıýdjetten asyl tuqymdy mal sharýashylyǵyn damytý men  onyń ónimdiligin jáne ónim sapasyn arttyrýǵa 36 mln. teńge qarastyrylyp otyr. Bul qarajat qoı sharýashylyǵyndaǵy seleksııalyq asyldandyrý jumystaryna, sharýashylyqtarda jáne aýyl sharýashylyǵy kooperatıvterinde qoılardyń analyq basyn qoldan uryqtandyrý qyzmetterin sýbsıdııalaýǵa jumsalady. Sondaı-aq, asyl tuqymdy qoılardy jáne iri qara mal sharýashylyǵynda seleksııalyq asyldandyrýǵa bólinedi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir