• USD 468.56

  • EUR 497.56

  • RUB 7.3

  • CNY 67.18

29 Naýryz, 12:23:09
Almaty
+35°

Prezıdent Q.Toqaevtyń málimdemesi koronavırýs órship turǵan kezde halyqqa jubanysh bolatyndaı málimdeme boldy. Bul týraly aqyn, Jazýshylar odaǵynyń tóraǵasy Ulyqbek Esdáýlet aıtty.

– Prezıdent Qasym-Jomart Toqaevtyń keshegi málimdemesin tolyqtaı oqyp shyqtym. Karantın ýaqyty qasıetti Ramazan aıymen tuspa-tus kelip otyr. Ramazan – sabyrdyń aıy ǵoı. Prezıdentimiz óz málimdemesinde sabyr, shydamdylyq, qanaǵat, tózim degen asyl qasıetterge mán bergen eken. Onyń málimdemesinde halyqqa kúndelikti qajetti kásiporyndardyń jumysyn jandandyrý degen sekildi ózekti máseleler kóterilgen, – deıdi aqyn. 

Degenmen Ulyqbek Esdáýlet "koronavırýs Qazaqstannyń medısına salasyndaǵy kemshilikterdi anyq kórsetti" dep sanaıdy.

– Karantın kezindegi olqylyqtar da joq emes. Koronavırýs Qazaqstannyń medısına salasyndaǵy kemshilikterin anyq kórsetti. Onyń úlken bir mysaly naýqastardy emdeıtin dárigerlerdiń koronavırýs juqtyrýy bolyp otyr. Bul dárigerlerdiń qateligi boldy dep oılamaımyn. Olarǵa beriletin qorǵanysh kıimderiniń jetispeýshiliginen bolǵan. Bul medısına salasyndaǵy úlken kemshilik boldy. Sonymen qosa vırýsologııa salasyndaǵy arnaıy dárigerlerdiń jetispeýshiligi kózge anyq kórindi. Tipti mundaı mamandardy daıyndaıtyn fakýltettiń jabylyp qalǵan kórinedi. Sonyń zardabyn endi tartyp jatyrmyz. Qarapaıym medısınalyq maskanyń tapshylyǵy da bizdiń ónimdi syrttan alýǵa daǵdylanǵanymyzdyń aıqyn kórinisi boldy. Prezıdent osy máselerdiń bárin joıý týraly naqty tapsyrma bergeni qýantty. Ol halyqtyń densaýlyǵyn saqtaý jónindegi kodekske eleýli ózgerister engizý týraly Úkimetke tapsyrma bergen. Zańdyq jaǵynan ózgeristerdiń saqtalýy aldaǵy ýaqytta qadaǵalanady dep esepteımin, – dedi Ulyqbek Esdáýlet.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir