Ulybrıtanııa Qytaıdy koronavırýs statıstıkasynan alyp tastady

Ulybrıtanııa álem elderindegi koronavırýstyq ólim-jitim mólsherin salystyratyn grafıkten Qytaıdy alyp tastady. Bul týraly Qamshy tilshisi Brıtanııanyń The Sun gazetine silteme jasap habarlaıdy.

Basylymnyń jazýynsha, buǵan sebep – Qytaı pandemııanyń shynaıy jaǵdaıyn jasyrýy.

Ulybrıtanııa úkimeti Daýnıng-strıt brıfınginde kórsetken burynǵy grafıkte toǵyz eldegi, Ulybrıtanııa, AQSh, Fransııa, Ispanııa, Italııa, Germanııa, Shvesııa, Ońtústik Koreıa jáne Qytaıdaǵy kóz jumǵan adamdarynyń sanyn salystyrǵan.

Al, keıingi jańartylǵan grafıkte Qytaıdy alyp tastaǵan.

Qytaı buǵan deıin Germanııa, Shvesııa jáne Ońtústik Koreıa sııaqty ólim-jitim mólsheri tómen elderdiń qatarynda bolǵan.