27 Sáýir, 2020 Áleýmet
astana.gov.kz
9 mamyrǵa aqshalaı tólemder ardagerlerdiń jesirlerine, tyl eńbekkerlerine jáne basqa da birqatar sanattarǵa qarastyrylǵan, dep habarlaıdy elorda ákimdiginiń resmı saıty.
1941-1945 jyldardaǵy KSRO-Germanııa soǵysyndaǵy jeńistiń 75 jyldyǵyn merekeleýge baılanysty Nur-Sultanda soǵys qatysýshylary men múgedekteri 1 mln teńgeden alady.
Qazirgi tańda elordada 44 ardager bar. Sonymen qatar, tyl eńbekkerleri, soǵysqa qatysýshylardyń áıelderi, sondaı-aq jeńildikter men kepildikter boıynsha ardagerlerge teńestirilgen barlyq adamdar da bir jolǵy aqshalaı tólemderdi alady.
Atap aıtqanda, jeńildikter men kepildikter boıynsha KSRO-Germanııa soǵysynyń qatysýshylary men múgedekterine teńestirilgen adamdarǵa – 75 myń teńgeden (405 adam), jeńildikter men kepildikter boıynsha soǵysqa qatysýshylarǵa teńestirilgen adamdarǵa, onyń ishinde qaza tapqan áskerı qyzmetshilerdiń otbasylaryna, soǵys jyldarynda qaıtys bolǵan ardagerlerdiń jesirlerine, tyl eńbekkerlerine – 32 500 teńgeden (3 529 adam) birjolǵy aqshalaı tólemder qarastyrylǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir