B. Saǵyntaev modýldi juqpaly aýrýlar aýrýhanasynyń ashylýyna qatysty

Almaty qalasynyń ákimi Baqytjan Saǵyntaev modýldi juqpaly aýrýlar aýrýhanasynyń ashylýyna qatysty. Bul týraly ákimdiktiń baspasóz qyzmeti habarlady.

18 kúnniń ishinde boı kótergen jańa medısınalyq mekeme koronavırýstyq ınfeksııamen aýyratyn naýqastardy emdeýge arnalǵan.

Aýrýhanany aralap shyqqan qala ákimi B. Saǵyntaev keshenniń sapasy men medısınalyq jabdyqtarmen jaraqtandyrylýyna joǵary baǵa berdi. Sondaı-aq ol keshendi qysqa merzimniń ishinde salyp bitken qurylysshylarǵa alǵysyn bildirdi. Jańa juqpaly aýrýlar kesheni ýaqytsha ǵımarat bolǵanyna qaramastan, osyndaı mekemelerge qoıylatyn halyqaralyq talaptarǵa jaýap beredi.

– Búgin bizdiń dárigerler men barlyq medısınalyq qyzmetkerler uıqysyz ári demalyssyz koronavırýstyq ınfeksııamen kúresýde. О́zderin aıamaı, bizdi qorǵaýda. Bizdiń mindetimiz – olardyń jumysyna barlyq jaǵdaıdy jasaý. Jańa keshen juqpaly oryndardyń jetkilikti qoryn qurýǵa múmkindik beredi. Bul qaladaǵy epıdemıologııalyq jaǵdaıdy turaqtandyrýǵa yqpal etedi, – dedi Baqytjan Saǵyntaev.

Juqpaly aýrýlar aýrýhanasy 280 adamǵa eseptelgen. Ishinde 9 klınıkalyq bólimshe, 28 tósekke arnalǵan reanımasııa bólimshesi, bir kisilik jáne dalaǵa bólek shyǵýǵa bolatyn 10 palata, dınamıkalyq baqylaýda bolatyn bes bir kisilik palatalary bar qabyldaý bólimi ornalasqan.

Modýldi keshende personalǵa arnalǵan úı-jaı qarastyrylǵan. Zerthanaǵa arnalǵan tórt úı-jaı, KT, rentgen, endoskopııalyq jabdyqtar, ÝDZ jáne elektrokardıograf ornatýǵa arnalǵan jeke úı-jaılar bar.

Shtatta 75 dáriger, 100 medbıke jáne kishi medısınalyq qyzmetkerler bar. Mekemeniń barlyq qyzmetkerleri «Atakent park otel» qonaq úıine ornalastyryldy. Qyzmetkerler tańerteń jáne keshki ýaqytta tegin tasymaldanady.

Aýrýhana zamanaýı medısınalyq jabdyqtarmen jabdyqtalǵan. Reanımasııa bólimine 28 О́JJ apparaty qoıyldy. Sondaı-aq, aýrýhanada kompıýterli tomograf, qan gazy men elektrolıtter, metabolıtter analızatory, elektrokardıograf, monıtorlar, perfýzorlar, jedel dıalız júıesi, medısınalyq dıagnostıkalyq rentgen júıesiniń kerek-jaraqtary, ýltradybystyq zertteýge arnalǵan apparattar, bakterısıdti shamdar sııaqty jabdyqtar ornalastyryldy. Budan ózge mobıldi rentgen apparaty, zerthanaǵa arnalǵan jabdyqtar da bar.

Modýldi keshen ózara galereıa arqyly baılanysqan bir qabatty eki jáne eki qabatty tórt korpýstan turady. Injenerlik kommýnıkasııalar júıesi boıynsha da, atap aıtqanda jeldetkish pen kondısıoner ornatý, sýmen jabdyqtaý jáne káriz júıesin júrgizý, elektrli jylytýmen jabdyqtaý jumystary aıaqtaldy.

Sharýashylyq-turmystyq sý aǵyny arnaıy jınaǵysh ydysqa quıylyp, jınalady. О́rt dabyly jáne beınebaqylaý júıesimen de qamtamasyz etildi. Transformatorlyq qosalqy stansany ornatý qarastyrylǵan.

Emhanaǵa kirý men shyǵý úsh kirý aımaqtary arqyly júzege asyrylady. Mekeme syrtynda jáne ishki aımaqta kólik qoıýǵa arnalǵan oryndar bar. Sondaı-aq, aýrýhana aýmaǵynda kólikti óńdeýge arnalǵan alań, birqatar tehnıkalyq qurylystar qarastyrylǵan.