23 Sáýir, 2020 NEWS

Koronavırýs: Almatyda 88 adam aýrýhanadan shyǵaryldy

www.5.ua

Keshe megapolıste jańadan 54, búgingi kúni 24 jaǵdaı anyqtaldy. Bul týraly ákimshiliktiń baspasóz qyzmeti habarlady.

Onyń ishinde ​ Ortalyq qalalyq aýrýhananyń karantındegi 22 medısına qyzmetkeri, №1 qalalyq klınıkalyq aýrýhananyń provızorlyq stasıonarynyń 2 qyzmetkeri, balalar qalalyq juqpaly aýrýlar aýrýhanasynyń 10 qyzmetkeri, 4 medısınalyq jedel járdem qyzmetiniń 4 qyzmetkeri jáne vırýs juqtyrǵan adammen baılanysta bolǵan 40 adam bar.

Jalpy Almatyda koronavırýstyq ınfeksııa juqtyrýdyń rastalǵan 756 jaǵdaıy tirkeldi. 88 adam qajetti em sharalaryn qabyldap, emhanadan shyǵarylǵan.

Qazirgi ýaqytta juqpaly aýrýlar stasıonarlarynda koronavırýstyq ınfeksııadan Almaty oblysynan áıel adamdy – pasıentti esepke alǵanda, 663 pasıent emdelýde.

Eki adamnyń jaı-kúıi – óte aýyr, 24 adam – aýyr halde, 198 pasıent aýyrlyqtyń ortasha dárejesinde jáne qalǵan naýqastarda – qanaǵattanarlyq.

Provızorlyq ortalyqtarda 440 adam, onyń ishinde 15-i bala, karantındik oqshaýlaýda – 421 (5 bala), úı karantıninde – 10 093 azamat bar.

Ilmek sózder: Almaty koronavırýs

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir