yenicag.ru
Tatar zııalylary Reseı bıligi túsirgen "Zylıqa kózin ashty" serıalyna qarsy qol jınaýda. Bul týrala Tatarstannyń premer-mınıstriniń orynbasary Rafıs Kashapov habarlady.
Ol "Zylıqa kózin ashty" serıaly tatar halqynyń tarıhyn qorlaǵanyn aıtty, - dep jazady yenicag.ru saıty.
"Bul serıal tatar halqynyń dástúrin joqqa shyǵaryp, bizdiń ata-babamyzdy jabaıy etip kórsetken. Pýtınniń «Rossııa 1» telearnasy Gýzel Iаhınanyń «Roman Zýleıha» atty serıalyn kórsete bastady. Bul - arandatýshylyq fılm, bizdiń oıymyzsha, tatarlar men orystardyń arasyndaǵy etnıkaaralyq jáne dinı qaqtyǵysty qozdyrýǵa baǵyttalǵan. Munda musylman tatarlarynyń qoǵamdyq-saıası belsendiligin tómendetý úshin Kremldiń arnaıy qyzmetteri jasaǵan ádister aıqyn kórinedi. Fılmde tatar halqy men musylman dinine qarsy arandatý - meshittegi jynystyq qatynas, musylman zıratyndaǵy tabyttar, tatar otbasynyń jabaıy jáne aqymaq adamdar beınesi anyq kórsetilgen" - deıdi Koshapov.
Fılmniń rejısseri — Egor Anashkın. Al basty róldegiler — Chýlpan Hamatova, Evgenıı Morozov, Iýlııa Peresıld, Roman Madıanov, Sergeı Makoveskıı, Aleksandr Bashırov, Roza Haırýllına.
Koshapov bul adamdardyń kópshilik aldynda tatar halqynan keshirim suraýyn talap etti.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir