Qytaı Soltústik Koreıaǵa medısınalyq mamandardy qamtyǵan arnaýly top jibergen. Bul týraly Qamshy tilshisi Reuters agenttigine silteme jasap habarlaıdy.

Qytaılyq dárigerler men sheneýnikterdiń bul sapary Soltústik Koreıa basshysynyń densaýlyǵy týraly túrli habarlar paıda bolýymen tuspa-tus kelgenin jazady Reuters. Agenttik qytaılyq komanda saparynyń Kımniń densaýlyǵyna baılanysty ekenin birden anyqtaı almaǵan.

– Beısenbide Qytaı Kommýnıstik partııasynyń Halyqaralyq Liaison departamentiniń aǵa múshesi bastaǵan delegasııa Beıjińnen Soltústik Koreıaǵa ketti, – degen habar kelip túsken. Liaison departamenti kórshiles Soltústik Koreıamen jumys jasaıtyn negizgi Qytaı organy.

Derekkózder máseleniń sezimtaldyǵyn eskere otyryp, tolyq aqparat berýden bas tartqan.

Liaison baılanystar departamentine juma kúni keshqurym túsinikteme alý úshin Reıters habarlasa almaǵan. Juma kúni keshte Qytaıdyń syrtqy ister mınıstrligi  túsinikteme berý týraly ótinishke jaýap bermegen.

Aıta keteıik, buǵan deıin Kım Chen Ynnyń ómirine úlken qaýip tónip turǵanyn jáne onyń basshylyq ornyna qaryndasynyń kelýi múmkin ekenin jazǵan bolatynbyz. Brıtandyq Daily Express gazeti Soltústik Koreıa basshysynyń ólimi ıadrolyq soǵys qaýpin týdyratynyn habarlaǵan. Al, Seýlde jumys isteıtin Daily NK veb-saıty osy aptanyń basynda Kımdiń 12 sáýirde júrek-qan tamyrlary operasııasynan keıin qalpyna kelgendigin habarlaǵan.  

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir