24 Sáýir, 2020 NEWS

Elimizde 164 myń adam óz erkimen 42 500 teńgeni qaıtaryp berdi

Ashyq derekkóz

Qazaqstanda 164 myń adam 42 500 teńgelik áleýmettik tólemdi qaıtaryp berdi dep jazady Qamshy.kz aqparat agenttigi inform.kz saıtynyń deregin negizge alyp. 

«Elimizde Memlekettik áleýmettik saqtandyrý qorynan 4 192 234 qazaqstandyqqa 42 500 teńgelik áleýmettik tólem taǵaıyndalǵan bolatyn. 4 054 417 adamǵa qazirdiń ózinde ol aqsha aýdarylyp qoıdy. 164 730 adam óz erkimen 42 500 teńgeni qaıtaryp berdi», - dep habarlady «Azamattarǵa arnalǵan úkimet» korporasııasynyń qoǵammen baılanys departamentiniń basshysy Murat Jumanbaı.

Aıta ketsek, tótenshe jaǵdaı kezinde tabysynan aıyrylǵan 4,1 mıllıonnan astam adamǵa áleýmettik tólem taǵaıyndalǵany habarlanǵan bolatyn.

23 sáýirdegi jaǵdaı boıynsha «42 500 teńge» tólemge 8 mln 21 myń adam ótinish bergen. Kelip túsken 3 mln 585 myń ótinim boıynsha 42 500 teńge taǵaıyndaýdan bas tartyldy, sebebi olar TJ kezinde tabystyń joǵalýyna baılanysty MÁSQ-dan áleýmettik tólemdi taǵaıyndaý qaǵıdalaryna sáıkestigin tekserýden ótpegen.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir