Nazarbaev koronavırýs pandemııasynan keıin ne bolatynyn aıtty

Beınekonferensııa rejıminde ótken kezdesý barysynda koronavırýs indetine qarsy kúrestegi strategııalyq máseleler, sondaı-aq el ekonomıkasyn qalpyna keltirý jáne daǵdarystan keıingi kezeńde damý máseleleri qaraldy, dep jazady Qamshy.kz aqparat agenttigi elbasy.kz  saıtynyń deregin negizge alyp. 

Elbasy jahandyq qaýip-qaterler tóńiregindegi jaǵdaı alańdatarlyq ssenarıı boıynsha damyp jatqanyn atap ótti.

– Koronavırýstyń saldary álemdik ekonomıkanyń mańyzdy júıelerine áser etýde. Halyqaralyq valıýta qorynyń sarapshylary qazirgi «Jahandyq karantındi» ótken ǵasyrda bolǵan Uly depressııamen salystyrýda. Olardyń pikirinshe, jan basyna shaqqandaǵy tabys kólemi 170 elde tómendeıdi. Ekonomıkasy álsiz elder kóbirek zardap shegetin bolady. Sarapshylar osy toqsanda pandemııa men ekonomıkalyq daǵdarystyń sharyqtaý shegi qatar keledi degen boljam jasap otyr. О́nerkásiptik óndiristiń quldyraýy Ekinshi dúnıejúzilik soǵystan keıingi kezeńdegi eń tómen deńgeıge jetýi múmkin, - dedi Qazaqstannyń eks-prezıdenti.

Nursultan Nazarbaev jaqyn arada álemniń barlyq memleketteri budan da aýyr synaqtarǵa tap bolatynyn jáne onyń bári Qazaqstandy da aınalyp ótpeıtinin aıtty.

– 20 sáýirde munaı baǵasy buryn-sońdy bolmaǵan deńgeıge túsip ketti. Álemdik naryqtardyń teńgerimi buzyldy. Pandemııanyń sońy jáne óndiristiń jappaı quldyraýy jahandyq qarjy daǵdarysyna ulasady degen de boljam bar. Kelesi kezeń – álemdik azyq-túlik daǵdarysy bolýy múmkin. Bul shıelenister men qaqtyǵystarǵa ákelýi yqtımal, - dedi Nazarbaev.