Anglııalyq basylym: Kım Chen Ynnyń ólimi ıadrolyq soǵys qaýpin týdyrady

Batys basylymdarynda Kım Chen Ynnyń otadan keıin ómir úshin kúresip jatqany týraly aqparat paıda bolǵannan beri Kım otbasynyń bılikten taıdyrylýy, ıadrolyq soǵys qaýpi jaıynda boljamdar aıtylýda. Bul týraly Qamshy tilshisi Anglııalyq Daily Express basylymyna silteme jasap habarlaıdy. 

Sarapshylar Kım Chen Ynnyń ólimi aımaqtyń saıası jaǵdaıyn shaıqaltady, bosqyndardyń úlken aǵymyn týdyrady, AQSh, Ońtústik Koreıa jáne basqa da aımaqtyq odaqtastardy shıelenistermen kúresýge májbúr etedi dep sanaıdy. Tipti, ıadrolyq soǵys qaýpi týatynyn aıtady.

Otstavkadaǵy general-leıtenant, Ońtústik Koreıanyń arnaıy operasııalyq kúshteriniń burynǵy basshysy Chýn In-Bým AQSh Military Times gazetinde «Kım Chen Ynnyń ólimi saldarynan haos, qaıǵyly jaǵdaılar, turaqsyzdyq jáne barlyǵyna jaǵymsyz jańalyqtar» bolatynyn aıtty. 

Ol Ońtústik Koreıa men AQSh odaqtas bolǵannan keıin Soltústik Koreıaǵa kirý týraly kez kelgen josparlardyń qaıǵyly saldary bolýy múmkin ekenin eskertti.

– Biz ne isteımiz? Soltústik Koreıaǵa kiremiz be? Qytaılar kirsin... Soltústik Koreıa – egemen el. Oǵan kirgen kez kelgen adam, onyń ishinde qytaılar kirse de aqymaq bolar edi... Ońtústik Koreıa – AQSh alıansynyń qaterli jospary bar. Eger, AQSh ne Ońtústik Koreıa Soltústik Koreıaǵa kirse, bul bizdi ıadrolyq soǵysqa ıtermeleıdi, – deıdi ol.

Al, burynǵy AQSh áskerı qyzmetkeri, polkovnık, qazirgi Demokratııany qorǵaý qorynyń aǵa ǵylymı qyzmetkeri Devıd Maksvell "naqty muragerliktiń bolmaýy Soltústik Koreıadaǵy haosty qozdyrady" deıdi.