Nursultan Nazarbaevtyń tapsyrmasymen dúısenbide, ıaǵnı 27 sáýirden bastap «Birgemiz» qorynan muqtajdarǵa kómek kórsetýdiń ekinshi kezeńi bastalmaq. Bul joly osyǵan deıin mundaı kómek almaǵan 210 myńnan astam muqtaj otbasy qamtylyp, olarǵa 50 myń teńgeden aýdarylady. Bul týraly Nur Otan partııasy Tóraǵasynyń Birinshi orynbasary Baýyrjan Baıbek facebook jelisindegi paraqshasynda kúlli musylman qaýymyn qasıetti Ramazan aıymen quttyqtaǵan jazbasynda aıtty.

«Bul rette Elbasynyń tapsyrmasymen «Nur Otan» partııasy da alǵashqy kúnnen bastap óziniń búkil áleýetin Prezıdent jarııalaǵan koronavırýspen kúres sharalaryn qoldaýǵa, muqtajdarǵa kómek uıymdastyrýǵa jumyldyrdy. «Birgemiz» qory aıasynda 152 myń otbasy 50 myń teńgeden birjolǵy kómek aldy. 76 myń otbasy birinshi kezekte qajetti taýarlarmen qamtamasyz etildi. Áleýmettik jaǵynan álsiz turǵyndarǵa 5 mıllıon maska tegin taratyldy. Partııamyzdyń lıderi Nursultan Nazarbaevtyń pármenimen dúısenbide, ıaǵnı 27 sáýirden bastap muqtajdarǵa kómek kórsetýdiń ekinshi kezeńi bastalmaq. Bul rette aldynda mundaı kómek almaǵan 210 myńnan astam muqtaj otbasy qamtylyp, olarǵa 50 myń teńgeden aýdarylatyn bolady» dep atap ótti Baýyrjan Baıbek.

Onyń aıtýynsha, sonymen birge azyq-túlik sebeti men jeke qorǵanys quraldary túrindegi ataýly kómek kórsetý de óz jalǵasyn tabady.

«Qasıetti aıda osy baǵyttaǵy ıgilikti isterdi ári qaraı ilip áketip, qınalǵanǵa demeý, jabyqqanǵa jebeý bolatyn qaıyrymdy jandar qatary arta túsetinine senimdimin. Bıylǵy Ramazan aıy barsha álem halqy qaterli indetpen kúresip jatqan qysyltaıań shaqpen tuspa-tus kelip otyr. Memleketimizdiń der kezinde qolǵa alǵan saqtyq sharalary men halqymyzdyń aýyzbirshiliginiń arqasynda bul qaterli indettiń keń taralýyna jol berilmeı, qıyndyqtardy birtindep eńserip kelemiz. El Prezıdenti Qasym-Jomart Toqaev óz quttyqtaýynda atap kórsetkendeı, «Ramazan aıynda árdaıym yrys pen yntymaq, izgilik pen meıirim saltanat qurady. Otyz kún Orazada muqtaj jandardy qoldap, qaıyrymdylyq kórsetý ıgi dástúrge aınaldy» dedi ol.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir