24 sáýirden bastap Almaty qalasynda kemirgish jándikterge qarsy kúres bastalady, tazalyq jumystary 31 mamyrǵa deıin jalǵasady.

Jappaı tazalaý jumystary joǵarǵy aýdandardan bastalyp (ońtústikten soltústikke qaraı) 47 myń gektardan astam aýmaqty qamtıdy. Bul saıabaqtar, ózen jaǵalaýlary, sý qoımalary, aryq naýalary, konteınerlik alańdar, sondaı-aq arnaıy keńistikter. 141 myńǵa jýyq jeke turǵyn úı qurylysy tazalanady. Qazirgi ýaqytta qalada qaqpandar ornatý boıynsha daıyndyq jumystary júrgizilýde.

Sonymen qatar deratızasııalyq óńdeýge mamandandyrylǵan dárigerler men arnaıy tehnıka jumyldyrylady. Aýla aýmaqtarynda deratızasııa júrgizý kezinde jeke sektordyń turǵyndary arnaıy ýly hımıkattardy tegin alatyn bolady. Kemirgishterdi joıýda kásipkerlik nysandar da qatysady.

Tótenshe jaǵdaı men karantındi eskere otyryp, aldyn-ala óńdeý shamamen 3,5 myń saýda obektileri men ónerkásip kásiporyndary, 500-den astam bilim berý obektileri men densaýlyq saqtaý mekemeleri, onyń ishinde aýrýhanalar, emhanalar, mektepter men balabaqshalar, metro, vokzaldar men stadıondar qamtylatyn bolady.

Esterińizge sala keteıik, deratızasııa egeýquıryqtar men tyshqandardyń sanyn retteýge, sondaı-aq asa qaýipti juqpaly jáne ınvazııalyq aýrýlardyń taralýynyń aldyn alýǵa baǵyttalǵan.

Jyl saıyn is-sharalar 2 týrda ótkiziledi. Bıyl kóktemgi is-sharalar mamyr aıynyń sońyna deıin jalǵasady. Jumystyń kelesi kezeńi kúzde bastalady.

Aýdandarda deratızasııalyq jumystardy júrgizý kestesi:

  • Naýryzbaı aýdany 24.04.2020 bastap 28.04.20 deıin
  • Bostandyq aýdany 29.04.2020 bastap 03.05.2020 deıin
  • Medeý aýdany 04.05.2020 bastap 10.05.2020 deıin
  • Alataý aýdany 11.05.2020 bastap 18.05.2020 deıin
  • Aýezov aýdany 19.05.2020 bastap 20.05.2020 deıin
  • Almaly aýdany 21.05.2020 bastap 22.05.2020 deıin
  • Jetisý aýdany 23.05.2020 bastap 26.05.2020 deıin
  • Túrksib aýdany 27.05.2020 bastap 31.05.2020 deıin
"Qamshy" silteıdi
Ilmek sózder: Almaty

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir