23 Sáýir, 2020 Saıasat

Belsendi Álnur Ilıashevti qamaýdan bosatpady

exclusive.kz

22 sáýirde Almaty qalalyq soty belsendi Álnur Ilıashevtiń qamaýdan bosatý týraly ótinishin qanaǵattandyrmady. Bul týraly onyń advokaty óziniń facebook paraqshasynda habarlady. 

"Maǵan kelgen kóptegen suraqtarǵa jáne qońyraýlarǵa jaýap bere almaýyma baılanysty Ilıashev Álnurdyń jaǵdaıyn qysqasha túsindirýge týra keldi. Búgingi baspasóz máslıhatynan keıin apellıasııalyq komıssııa meniń shaǵymymdy qarady. Qalalyq sottyń sýdıasy bizdiń shaǵymymyzdy qanaǵattandyrmady. Sýdıanyń pikirinshe, Ilıashev bostandyqta júrgende jalǵan aqparat taratýdy jalǵastyra berýi múmkin. Men osyny ǵana estidim" dep jazdy Nurlan Rahmanov.

Advokat Nurlan Rahmanov 22 sáýir kúngi jazbasynda tergeý oryndarynyń isti "aýyr is" dep ataǵanyna qaramastan tergeý aıaqtalǵany týraly hattamany tapsyrýǵa asyǵyp otyrǵanyn jazdy. Advokat Álnurdyń óz qolymen jazǵan ótinishin tergeýshige, ne tergeý basqarmasyna, ne polısııa departamentine ótkize almaı júrgenin de aıtty.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir