23 Sáýir, 2020 NEWS

Qazaqstandaǵy Prezıdenttik ınstıtýtqa – 30 jyl

inform.kz

Qazaqstanda Prezıdenttik ınstıtýt osydan 30 jyl buryn engizildi, ıaǵnı 1990 jyly 24 sáýirde Joǵarǵy Keńes Qazaq SSR Prezıdenti laýazymyn bekitti jáne Joǵarǵy Keńes sessııasynda basym daýyspen N.Á. Nazarbaev Prezıdent bolyp saı­landy. XX ǵasyrdyń 90 jyldaryndaǵy elde qalyptasqan jaǵdaı, ásirese Keńes Odaǵy taraǵan kezdegi naryqtyq ekonomıkany qalyptastyrý, qoǵamdyq qatynastardyń barlyq salalaryn jańa úrdisterge sáıkestendirý, áleýmettik-ekonomıkalyq qıynshylyqtardy sheshý mindetteri jańa saıası júıeni prezıdenttik basqarý formasyna basymdyq berý arqyly qalyptastyrý qajettigin kórsetti.

Aıta ketsek, 1991 jylǵy 1 jeltoqsanda Qazaqstan Respýblıkasynyń azamattary búkilhalyqtyq saılaýda tuńǵysh ret el Prezıdentin saılady. Sol ýaqyttan beri Prezıdenttik ınstıtýt Qazaqstannyń Tuńǵysh Prezıdenti – Elbasy Nursultan Ábishuly Nazarbaev tulǵasymen baılanystyrylyp keldi.

Qazaqstan álem elderiniń tájirıbesin muqııat zerdeleı otyryp, órkenıetti qoǵamǵa jáne zamanaýı talaptarǵa saı ózindik saıası jáne tarıhı jolyn júrip keledi. Prezıdenttik bılik ınstıtýty Qazaqstannyń kún tártibindegi ózekti máselelerdiń kezeń kezeńimen sheshilýine, eldiń damýdyń jańa satysyna kóterilýine, saıası, ekonomıkalyq jáne áleýmettik salalardyń turaqtandyrylýyna, ulttyq qaýipsizdiktiń qamtamasyz etilýine kepil boldy. QR Tuńǵysh Prezıdenti – Elbasy Nursultan Nazarbaev memlekettigimiz ben durys stra­tegııany tańdaýda, ishki jáne syrtqy saıasattyń negizgi baǵyttaryn aıqyndaýda kóregendik tanytty.

Elbasy búginde halyqaralyq qatynastardyń tolyqqandy sýbektisi bolyp tabylatyn Qazaqstannyń álemdik sahnadaǵy bedelin nyǵaıtýǵa baǵa jetpes ózindik zor úlesin qosqan tarıhı tulǵa. N. Nazarbaev basshylyǵymen elimizdiń beıbit súıgish, kópvektorly, syndarly syrtqy saıasaty qalyptasyp, damý ústinde. Tuńǵysh Prezıdent – Elbasy Nursultan Nazarbaev aımaqtyq jáne halyqaralyq saıasatqa yqpal etetin birneshe qaýipsizdik jáne ekonomıkalyq yntymaqtastyq qurylymdarynyń bastamashysy boldy. Atap aıtsaq, Eýrazııalyq ekonomıkalyq odaq, Azııadaǵy ózara yqpaldastyq jáne senim sharalary jónindegi keńes, Túrkitildes memleketterdiń yntymaqtastyq keńesi jáne t.b.

Búginde Prezıdenttik bılik ınstıtýty Memleket basshysy Qasym-Jomart Toqaevtyń el basqarý júıesinde sabaqtastyǵyn jáne jalǵasyn taýyp otyr. Osy ýaqytta ishki jáne jahandyq deńgeıdegi kún tártibindegi syn-tegeýrinderdi, búkil álemniń zor alańdaýshylyǵyn týdyryp otyrǵan koronovırýs indetimen kúres sııaqty jaǵdaılardy eńserýge baǵyttalǵan saıası sheshimder qabyldaýda Prezıdent tulǵasynyń moınyna júktelgen jaýapkershiliktiń zor ekendigin aıqyn kórsetti. QR Prezıdenti Q.K.Toqaevtyń «Kúshti Prezıdent – yqpaldy Parlament – esep beretin Úkimet» formýlasy memleket turaqtylyǵynyń negizi bolatyn saıası júıeniń ómirsheńdigin, tıimdiligin ary qaraı da dáleldemek.

Qazaqstanǵa sheteldik áriptesteriniń, alpaýyt memleketterdiń lıderleriniń qarym-qatynasy, ásirese Tuńǵysh Prezıdent – Elbasy N.Nazarbaevtyń jáne is basyndaǵy Memleket basshysy Q.Toqaevtyń álemdik saıası sahnadaǵy bedeli qazaqstandyq damý jolynyń moıyndalǵandyǵyn jáne oń baǵaǵa ıe ekendigin kórsetip otyr. Bul jetistikterdiń bastaýy – 30 jyl buryn jasalǵan tańdaý Prezıdentik ınstıtýtymen tikeleı baılanysty.

Ásel Nazarbetova

QR Prezıdenti janyndaǵy QSZI

halyqaralyq zertteýler bóliminiń basshysy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir