Iran áskerı spýtnıgin orbıtaǵa sátti ushyrdy

Iran Islam revolıýsııasy kúzet korpýsy (IRGC) alǵash ret áskerı spýtnıkti orbıtaǵa sátti ushyrdy. Bul týraly Qamshy tilshisi BBC-ge silteme jasap habarlaıdy. 

«Nur» dep atalatyn jer serigi úsh satyly «Qased» ushyrý qondyrǵysymen tasymaldanǵannan keıin 425 km (264 mıl) ushyp baryp orbıtaǵa jetti.

Irannyń ótken jyly birneshe ushyrylymy sátsiz shyqqan.

AQSh memlekettik hatshysy Maık Pompeo da spýtnıktiń ushyrylǵanyn rastap, Birikken Ulttar Uıymy Qaýipsizdik Keńesin Tegerandy ıadrolyq zymyrandyq baǵdarlamasyn shekteıtin halyqaralyq erejelerdi buzǵany úshin jaýapqa tartýyn talap etken.

Bul – keıbir sarapshylardyń qupııa ǵaryshtyq baǵdarlama dep sıpattaǵan kúdikterin rastady. Ushyrylym Iranǵa qurlyqaralyq ballıstıkalyq zymyrandardy jasaýǵa kómektesýi múmkin.

"Mundaı tehnologııany qoldanýǵa bola ma?" degen másele de sarapshylardy alańdatýda. Irannyń qazirgi ýaqytta qysqa jáne orta qashyqtyqtaǵy zymyrandary bar.

Eger sársenbidegi ushyrylym sátti bolsa, bul Iran men AQSh arasyndaǵy shıelenisti arttyrýy múmkin.