• USD 468.56

  • EUR 497.56

  • RUB 7.3

  • CNY 67.18

29 Naýryz, 13:08:38
Almaty
+35°

Kásipker Marǵulan Seısembaı úıinde 2 qyzy bar ekenin aıtyp, polısııa qyzmetkerlerine joǵarydan ózin ustaý týraly buıryq kelse, áreketterin tynysh júrgizýdi ótindi. Buǵan deıin kásipker úıiniń mańyn polısııa qyzmetkerleri torýyldap júrgenin, ózine qarsy saıası astary bar is qozǵalýy múmkin ekenin habarlaǵan.

"Qaıyrly tań, dostar, sizderdiń ótinishterińiz boıynsha jaǵdaıdyń búgingi tańdaǵy qalpyn baıandaıyn. Keshegi tún ońaı bolmady. Úı mańynda qozǵalys kóp boldy. Bir mashınalar úzdiksiz keldi-ketti, birdeńe jasady. Jaı nárse emes ekeni anyq, álde men buryn baıqamaǵam ba muny?

Ne bolǵanyn bilmeımin, qyzmetkerler rasııalarymen ári-beri júgirip, uıaly telefonmen birnárse talqylap, qosymsha kúsh aldyrtty (qosymsha 4 mashına keldi). Keıin 12-ge taman barlyǵy saıabyrsydy. Kezek aýysymy bolyp, bastyqtary tekserip ketken bolar.

Qazir túnnen beri 5 mashına kezekshilikte. Úıge qarsy bettegi taýda bireýler júr. Birneshe ret olardyń lınzalary jarq-jurq etti. Shamasy olar úıimdi ústinen baqylap otyrǵan bolar (snaıperler bola qoımas dep úmittenemin).

Mine, qazirgi jaı osyndaı. Keshe Alnur Ilıashevtyń úıine qalaı basyp kirgenderi týraly oqydym. Barlyǵyn qatal túrde jerge jatqyzǵan. Tintý barysynda barlyǵy qasaqana laqtyrylǵan. Taǵy basqa da áreketter jasalǵan. Osyǵan oraı, shaǵyn ótinish jasaǵym keledi.

Qurmetti qyzmetkerler, sizder meni oqyp otyrsyzdar, bilemin, óıtkeni, kezekshiliktegi mashınadaǵylardyń barlyǵy smartfondarynda otyr. Eger (Alla betin ármen qylsyn) sizderge buıryq tússe, barlyǵyn tynysh kúıde jasańyzdarshy. Úıde eki kishkentaı qyzym bar. Balalardy qorqytýdyń qajeti joq. Sizderge eshkim qarsylyq kórsetpeıdi. Tynysh kirip, ózderińizdiń prosessýaldyq isterińizdi júrgizseńizder bolady. Ýaıymdamańyzdar, men eshqaıda qashyp ketpeımin" dep jazdy Marǵulan Seısembaı. 

Sondaı-aq Marǵulan Seısembaı halyqaralyq uıymdarǵa jaǵdaıyn baıandap, hat jazǵanyn eskertti. 

"Meni esh áreketsiz qarap otyr dep oılap qalmańyzdar. Men de osy jaǵdaıdy sheshý úshin qolymnan kelgen naqty zańǵa sáıkes áreketterdi jasap jatyrmyn. Biraq meni máseleni «kelisip sheship almaqshy» dep oılap qalmańyzdar. Búgin kelesi mekemelerge hat jazdym:
- AQSh elshiligi,
- Fransııa elshiligi,
- Ulybrıtanııa elshiligi,
- Adam quqyǵyn qorǵaý boıynsha eýropalyq komıssııa,
- BUU adam quqyqtary boıynsha basqarmasy,
- Qazaqstandaǵy adam quqyqtary boıynsha bıýro.

О́z hattarymda bolyp jatqan jaǵdaıǵa nazar aýdaryp, baqylaýǵa alýdy suradym. Eger de meni tutqynǵa alatyn bolsa, bul týraly barlyq halyqaralyq uıymdardyń bilýin maqsat etip otyrmyn.

Mundaı jaǵdaıda qolyńnan keletin ózińe táýeldi 99%-yn jasaısyń, al basty 1%-y Allanyń qolynda ekenin jaqsy bilesizder! Ári qaraı ne bolaryn tek bir Alla biledi.

Jáne bir mańyzdysy – bul men úshin kúres emes, bul oryn alýy múmkin shekten shyǵýshylyqqa qarsy kúres" dep jazdy Marǵulan Seısembaı óziniń facebook paraqshasynda.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir