Almaty qalalyq polısııa departamenti Krımınaldyq polısııa basqarmasynyń basshysy J.Zıadın elıtaly kólikter mingen azamattardyń blokpostan ótkenine jol bergeni úshin jumysynan bosatyldy, – dep habarlady polisia.kz habarlady.

Almatyda blokpost arqyly zańsyz ótý faktisi boıynsha tótenshe jaǵdaı rejımin buzǵany úshin 5 adam ustalyp, 10-nan 15 táýlikke deıin tutqyndaý túrindegi ákimshilik jaýapqa tartyldy.

Barlyq 4 elıtaly avtomobıl aıyp turaǵyna qoıyldy. Kortejge qatysqan taǵy eki adamǵa izdeý salynǵan. Osy rette atalǵan faktige jol bergen jáne olardyń jolyn kesý sharalaryn qabyldamaǵan polısııa qyzmetkerleri tártiptik jazaǵa tartyldy.

Krımınaldyq polısııa basqarmasynyń bastyǵy J.Zıadın, sondaı-aq patrýldik polısııa polki komandıriniń orynbasary E.Qýanyshbaev qyzmetterinen bosatyldy.

21 sáýir kúni vıdeokonferensııa baılanysy rejıminde óńirlik bólimshelerdiń basshylarymen ótken keńeste Ishki ister mınıstri Erlan Turǵymbaev atalǵan faktige qatysty naqty ustanymyn bildirdi.

– Quqyqtyq tártip pen azamattardyń qaýipsizdigin qamtamasyz etý ishki ister organdary qyzmetkerleriniń negizgi mindeti jáne bolyp ta qala beredi. Tótenshe jaǵdaı men karantın rejımin buzýǵa, onyń ústine jeke quram tarapynan jol berýge bolmaıdy. Muny qatardaǵy qyzmetkerlermen qatar olardyń basshylar da este saqtaýǵa tıis, – dedi Erlan Turǵymbaev.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir