Kórneki sýret
28 sáýir «Ata-analar kúni» qarsańynda Almaty qalasy ákimdiginiń janynan tótenshe jaǵdaı rejımin qamtamasyz etý boıynsha qurylǵan Jedel shtab koronavırýs ınfeksııasynyń taralýyn boldyrmaý maqsatynda turǵyndarǵa adamdar kóp jınalatyn jerlerge, sonyń ishinde, shirkeýler men beıitterge barmaýǵa keńes beredi.
Bıylǵy jyly karanıtın rejıminiń jarııalanýyna baılanysty zıratqa tek jerleý rásimderin júrgizý úshin barýǵa ruqsat etilgen.
Qaladaǵy zıratqa adamdardyń toptasyp jınalýyn boldyrmaý úshin Polısııa departamenti kezekshilik uıymdastyrmaq.
Buǵan deıin Ortalyq kommýnıkasııalar qyzmetiniń alańynda ótken baspasóz konferensııasynda Astana jáne Qazaqstan mıtropolıti Aleksandr ǵıbadathanalardaǵy (hramdarda) Qudaıǵa qulshylyq etý salttary jabyq rejımde ótetinin habarlaǵan bolatyn. Marqumdardyń esimderi jazylǵan hattardy zamanaýı kommýnıkasııa quraldary arqyly, ıaǵnı elektrondy poshta nemese messendjerlerdi paıdalana otyryp ǵıbadathanalarǵa (hramdarǵa) joldaýǵa bolady.
Almatynyń Voznesensk kafedraldy soborynda ótetin basty qyzmet «Eýrazııa Birinshi arnasynda» kórsetiletin bolady. Karantın aıaqtalǵannan keıin búkil Qazaqstan boıynsha pashalyq senbilerdiń birinde marqumdardy eske alý úshin qudaıǵa qulshylyq etý rásimderi saltanatty túrde ótedi.
Eske sala keteıik, QR Prezıdentiniń Jarlyǵymen eldegi tótenshe jaǵdaı rejımi 2020 jyldyń 1 mamyryna deıin uzartyldy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir