Lıýdmıla Bıýrabekova QR densaýlyq saqtaý vıse-mınıstri bolyp taǵaıyndaldy

QR densaýlyq saqtaý vıse-mınıstri bolyp Bıýrabekova Lıýdmıla Vıtalevna  taǵaıyndaldy. Bul týraly primeminister.kz habarlady.

Lıýdmıla Bıýrabekova 1973 jyly Qaraǵandy oblysynda dúnıege kelgen. 1997 jyly Qaraǵandy memlekettik medısına akademııasyn, 2004 jyly Qazaq farmasevtıka ınstıtýtyn, 2014 jyly Halyqaralyq bıznes akademııasyn támamdaǵan. 

Eńbek jolyn 2004 jyly H.J. Maqajanov atyndaǵy Qaraǵandy kópsalaly klınıkalyq aýrýhanasynda dáriger-farmakolog bolyp bastaǵan.

2005-2007 jj. Qaraǵandy oblystyq densaýlyq saqtaý basqarmasynyń bas mamany bolyp jumys istedi.

2007-2009 jj. — Batys Qazaqstan oblystyq densaýlyq saqtaý basqarmasynyń strategııalyq damý jáne dári-dármekter saıasaty jónindegi bastyǵynyń orynbasary. 

2009-2010 jj. QR Densaýlyq saqtaý mınıstrliginiń Medısına jáne farmasevtıkalyq qyzmetti baqylaý komıtetiniń farmasevtıkalyq qyzmetti, dári-dármekter sapasyn men qoldanylýyn baqylaý basqarmasynyń bastyǵy qyzmetin atqardy. 

2010 j. — QR Densaýlyq saqtaý mınıstrliginiń Medısınalyq jáne farmasevtıkalyq qyzmetti baqylaý komıtetiniń tóraǵasynyń orynbasary. 

2011 j. — Respýblıkalyq balalar ońaltý ortalyǵynyń strategııalyq damý jáne qaýipsizdik basqarmasynyń bastyǵy.

2011-2013 jj. — Ulttyq medısınalyq holdınginiń Medısınalyq kómekti uıymdastyrý departamentiniń dırektory, bas menedjeri.

2013-2014 jj. QR Densaýlyq saqtaý mınıstrliginiń «Respýblıkalyq sanıtarlyq avıasııa ortalyǵy» oqý-klınıkalyq bóliminiń bastyǵy bolyp eńbek etti. 

2014 j. — Medısınalyq tehnologııalar jáne aqparattyq júıeler ortalyǵynyń vıse-prezıdenti.

2014–2017 jj. QR Prezıdenti Is basqarmasynyń Medısına ortalyǵynyń bas ınspektory, basshysynyń orynbasary bolyp eńbek etken.

2017-2019 jj. QR Densaýlyq saqtaý mınıstrliginiń Farmasııa komıtetiniń tóraıymy boldy.

2019 jylǵy mamyr aıynan qazirge deıin  — Densaýlyq saqtaý mınıstrliginiń Taýarlar men qyzmetter qaýipsizdigi jáne sapasyn baqylaý komıtetiniń tóraıymy.