Marǵulan Seısembaı: Meniń izime túskenge uqsaıdy, bul – naǵyz saıası is

Belgili kásipker Marǵulan Seısembaı facebook paraqshasynda qamaý nemese aýzyn jabý maqsatynda óziniń izine túskenin habarlady.

"Dostar, meniń izime túskenge uqsaıdy.
Sońǵy birneshe kún boıy Alel Agro qyzmetkerleriniń tynyshtyǵy qashty. Keshe túnde Alel Agro basshylyǵyn tutqynǵa aldy. Kúni boıy bankterden qujattaryn aldyrtyp, úılerinde tintý júrgizdi.
Múmkindigimdi paıdalanyp, men eshqandaı da qylmys jasamaǵanymdy aıtqym keledi. Birde bir bızneste men eshnársege qol qoıyp, bolmasa basshylyq etpedim. Qazir olar Alel Agroǵa qatysty sýbsıdııalar alý kezinde alaıaqtyq pen qarjy jymqyrý boıynsha qylmystyq is qozǵap otyr. Alel Agro aıyp taǵylatyndaı ınvestısııalyq sýbsıdııalar alǵan emes. Meniń bul sýbsıdııalardyń úlestirilýi, ne alynýyna eshqandaı qatysym bolmaǵan, qazir de esh qatysym joq. Sondyqtan, bul naǵyz saıası is, olar meni qamap tastamaqshy nemese aýyzymdy japtyrǵysy kelip otyr.
⠀
P.S. Meniń úıimniń aınalasynda 30-40 shaqty adam júr. Shamasy komıtetchıkter" delingen kásipker jazbasynda.