Erjan Babaqumarov COVID-19-ǵa test alatyn Almatynyń alty iri zerthanasynyń basshylyǵymen jumys keńesin ótkizdi

Almaty qalasynyń ákimi Baqytjan Saǵyntaevtyń tapsyrmasy boıynsha shahar basshysynyń orynbasary Erjan Babaqumarov beıne-konferens-baılanys rejıminde Almatynyń alty iri zerthanasynyń basshylyǵymen jumys keńesin ótkizdi.

Bul – COVID-19-ǵa test alatyn Almatynyń alty iri zerthanalary. Olar Ulttyq saraptama ortalyǵy, sanıtarlyq-epıdemıologııalyq saraptama jáne monıtorıng ǵylymı-praktıkalyq ortalyǵy, M. Aıqymbaev atyndaǵy qazaq asa qaýipti ınfeksııalar ulttyq ǵylymı ortalyǵy, Ortalyq referens-zerthana, sondaı-aq Qazaqstan-Koreı klınıkasy men «Olımp» KDZ.

Budan ózge megapolıs turǵyndary úshin testileýdiń qoljetimdiligin, kórsetiletin qyzmetterdiń sapasy men jedeldigin, onyń ishinde nátıjelerdi usyný tártibi men merzimderin odan ári arttyrý máseleleri talqylandy.

Qala ákiminiń orynbasary zertteý materıalyn alýmen aınalysatyn medısınalyq brıgadalardyń eńbek qaýipsizdigin qamtamasyz etý kerektigin erekshe atap ótti. Sonymen birge, Taýarlar men qyzmetterdiń sapasy men qaýipsizdigin baqylaý departamenti jáne zerthanalardyń aqparattyq júıeler ıntegrasııasy arasynda jumysty ózara úılestirýdi kúsheıtý mindetterin belgiledi.

– Bizdiń mindetimiz – testileý arqyly ınfeksııanyń jasyryn oshaqtaryn jedel jáne der kezinde anyqtaý, olardy ýaqytyly oqshaýlap, qaladaǵy epıdemıologııalyq ahýaldyń jaǵdaıyn odan ári baqylaýdy qamtamasyz etý, – degen Erjan Babaqumarov memlekettik jáne memlekettik emes zerthanalarǵa qalamen birlesip jasap jatqan jumystary úshin alǵysyn bildirdi.

Búginde Almatyda shamamen 45 myń test alyndy. Solardyń ishinde 29 myńy PSR test jáne 16 myńy ekpress-testter.