• USD 468.56

  • EUR 497.56

  • RUB 7.3

  • CNY 67.18

28 Naýryz, 18:37:08
Almaty
+35°

QR Eńbek jáne halyqty áleýmettik qorǵaý mınıstri Birjan Nurymbetov "42 500 teńge alǵandar qylmystyq jazaǵa tartylmaıdy" málimdedi dep Ortalyq kommýnıkasııalar qyzmetindegi brıfıngide.

– Búgingi tańda tótenshe jaǵdaılardyń saldaryna baılanysty tabysynan aıyrylǵan 3 mln 960 myń adamǵa áleýmettik tólem taǵaıyndaldy. Olarǵa 157 mlrd teńge tólendi. О́kinishke qaraı sońǵy 4-5 kún boıy áleýmettik jelilerde, qoǵamda "42 500 teńge alǵany úshin qylmystyq turǵyda jazalaıdy eken" degen áńgime kóp taralýda. Biz bárin qarap shyqtyq, – dedi mınıstr.

Ol Qazaqstanda birde-bir adam 42 500 teńge alǵany úshin, tipti jibergen qateligi úshin qylmystyq jazaǵa tartylmaıdy dep atap ótti.

– Birde-bir adam 42 500 teńge alǵany úshin, tipti jibergen qateligi úshin qylmystyq jazaǵa tartylmaıdy. Oǵan negiz joq. Osyǵan núkte qoıaıyq. Eshkim jaýapkershilikke tartylmaıdy. Ony ana talqylap jatqan zańgerler de biledi. Biz eshkimdi teksermeımiz. Sebebi bul –  áleýmettik tólem. Bul –  áleýmetke baǵyttalǵan tólem,– dedi Birjan Nurymbetov.

Onyń aıtýynsha jeke tulǵalardy, resmı ne beıresmı bolsyn jumys istep júrgenderdi tekserip jatpaıtynyn basa aıtty.

– Kópshiligi osy tólemdi alǵysy keledi. О́tken brıfıngide de aıtqanmyn, biz eshkimdi jappaı tekserip jatpaımyz. Jeke tulǵalardy, resmı ne beıresmı bolsyn jumys istep júrgenderdi úılerdi aralap, teksermeımiz. Eshteńege ýaıymdamańyzdar. Sizlerge tólendi me? Alyńyzdar, jaratyńyzdar. Tekserý bolsa da bizdi tekseredi, – dedi mınıstr.

Alaıda mınıstr buryn da aıtqanyndaı aqysyz demalysqa jiberilmegender, karantın jaǵdaıynda tabysynan aıyrylmaǵandar 42500 teńgeni zańsyz alǵanyn, olardan áleýmettik tólemdi qaıtarý talap etiletinin aıtty.
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir