• USD 468.56

  • EUR 497.56

  • RUB 7.3

  • CNY 67.18

29 Naýryz, 10:18:06
Almaty
+35°

Ýkraınalyq belgili "Orıol ı reshka" baǵdarlamasynyń kezekti túsirilimderiniń birine Nıý-Iorkte turatyn Qazaqstan azamaty Danııar Kojan tústi.

Ol Nıý-Iorktyń pandemııa kezindegi tynys-tirshiligi, aýrýhanalardaǵy jaǵdaı, jalpy epıdemıologııalyq ahýal týraly baıan etken.

Danııar Kojan Almaty qalasynyń týmasy. Qazaq gýmanıtarlyq zań ýnıversıtetin "Quqyqtaný" mamandyǵy boıynsha bitirgen. Qazir Nıý-Iorkte "Ballon Stoll Bader" zańgerlik kompanııasynyń pıar-menedjeri bolyp jumys isteıdi.

Onyń sózinshe, túsirilimge qatysý usynysy "Orıol ı reshka" baǵdarlamasy  redaksııasynyń tarapynan bolǵan.

– 12 sáýir kúni Instagram paraqshama "Orel ı Reshka" baǵdarlamasynyń redaksııasynan habarlasty. Olar meniń Nıý-Iorktegi qyzyqty jazbalarymdy kóripti. Mundaǵy jaǵdaı "óte qıyn" degendi estip, qalanyń qazirgi ómirin túsirip jiberýdi surady. Túsirilimde Nıý-Iorktiń tanymal kóshelerin, dárigerlerdiń jumysyn, ýaqytsha qurylǵan aýrýhanalardy kórsetýge tyrystym, – deıdi Danııar.

Danııar buǵan deıin qazaqstandyq telearnalarda jýrnalıst, prodıýser bolyp jumys istegen. О́ziniń aıtýynsha, saıahattaǵandy burynnan jaqsy kóredi.

– О́zim saıahattaǵandy jaqsy kóremin. Ázirge 15 memlekette boldym. Amerıkaǵa anam ekeýmiz kelip, shtattardy aralaǵanbyz. Osylaısha, zańgerlik kompanııadan usynys túsip, pıar-menedjer qyzmetine qabyldandym, – dep atap ótti.

Danııar áıgili boksshy Maık Taısonmen suhbattasqan.

– О́mirimdegi mańyzdy materıaldardyń biri – tanymal boksshy Maık Taısonmen bolǵan eksklıýzıvti ıntervıý der edim. "Orel ı Reshka" baǵdarlamasyn túsirgende de ózim operator, ózim montajer boldym. Onyń mátinin jazýǵa qazaqstandyq jýrnalıst Anar Úmbetova kómektesti. Qazir Anar da Amerıkada turady. Nıý-Iork týraly shyǵarylymǵa óte jaqsy lebizder kelip jatyr. Baǵdarlamanyń bas prodıýseri Elena Sınelnıkova habarlasyp, alǵys bildirdi. Endi Nıý-Iork týraly kelesi shyǵarylymdy ázilep jatyrmyz. Onda halyqtyń koronavırýs ınfeksııasynan jazylǵanyn kórseterimizge úmittenemin, – deıdi Nıý-Iorkte jumys isteıtin Qazaqstan azamaty.

Danııar túsken sát vıdeonyń 4 mınýtynan bastalady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir