18 Sáýir, 2020 NEWS

"Úkimet biz sekildi adamdarǵa járdemaqy beredi degende kádimgideı qýanyp qaldym"

Kórneki sýret

Karantın jaǵdaıyna baılanysty kirisinen aıyrylǵandardyń biri – Gaýhar esimdi almatylyq. Ol jeke kompanııada pedagog bolyp jumys istegen. "Osy kúrdeli kezeńde 42500 teńgelik járdemaqyny alyp kádimgideı qýandyq" deıdi. Bul týraly almaty-akshamy.kz habarlady. 

– Qalada qosymsha bilim berý ortalyǵynda jumys isteımin. Eresekter men balalardyń tulǵalyq damýy men olardaǵy bilim potensıalyn arttyrýǵa, boıyndaǵy qabiletti ashýǵa kómektesetin jeke kompanııa. Bizdiń ortalyqqa balasyna ınvestısııa quıýdan aıanbaıtyn barlyq qalalyq turǵyndar keledi. Tipti, zeınet jasyndaǵy kisiler de kelip turady. Koronavırýs qaladan endi shyǵa bastaǵan kezde ortalyqqa kelip júrgen balalardyń saýlyǵy úshin kompanııa birden óz jumysyn toqtatty. Kompanııada qyryq shaqty qyzmetker bolatynbyz. Qysqartýǵa ketkenderi de bar. Al pedagog retinde bizderdi belgisiz merzimge demalysqa jiberdi. Tipti, ol demalys merzimine eshteńe tólengen joq, – dedi Gaýhar.

Ol qarjydan qıyndyq kórgenin atap ótti.

– О́ıtkeni, tólep otyrǵan nesıem bar, oǵan qosa qalanyń ishinde páter jaldap turamyn. Qarjylaı daǵdarysty óz basym birden sezdim. Úkimet biz sekildi adamdarǵa járdemaqy beredi degende kádimgideı qýanyp qaldym. Birneshe ret enbek.kz saıtyna ótinish berdim elektrondy túrde. Basynda jaýap bolmady. Birneshe kúnnen keıin «Sizdiń ótinishińiz qaraldy, endi ol «Azamattarǵa arnalǵan úkimet» MK jiberildi» degen hat keldi. Sodan keıin maǵan 42 500 teńge tústi. Sol kezdegi qýanyshyma úıdegiler kýá. Karantın kezinde jumyssyz jatqan adam úshin bul da bir qoldaý eken. Kádimgideı, kóńil-kúıge de áser etedi me, osyndaı qıyn kezde jalǵyz qaldyrmaǵan Úkimetke rahmet! Osy joly shyn rızamyn, – dep almatylyq pedagog alǵysyn bildirdi.

Ilmek sózder: Almaty 42500

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir