El úkimeti tótenshe jaǵdaıǵa baılanysty tabysynan aıyrylǵan azamattardy qoldaý maqsatynda 42 500 teńge mólsherindegi áleýmettik járdemaqy taǵaıyndaǵan bolatyn. Atalǵan áleýmettik kómekti alǵandar arasynda Almaty qalasynyń turǵyny Serik Áýelbekov te bar. Bul týraly almaty-akshamy.kz málimdedi. 

– «Shańyraq» yqshamaýdanynda turamyn. Tirkeýim bolsa Talǵar aýdanynda. Karantınge deıin qalada jumys istep júrip, shyǵyp kettim. Basqa jumysqa kirmekshi bolyp izdep júrgende karantın bastalyp ketti de, ýaqytsha úıde otyryp qaldym. Jańalyqtardan men sııaqty ýaqytsha jumyssyz qalǵan azamattarǵa Úkimet járdemaqy bergeli jatyr degendi estip, men de ótinish jazyp jiberdim. Birden jaýap kelip, aqsha tústi. Otbasyly adamdar úshin eń aldymen balanyń qamyn oılaısyń. Eki qyzym bar. Solardyń nesibesi ǵoı, bir jaǵy. Kóńilimiz kóterilip qaldy. 42 500 teńge alǵan árbir adamda biz sııaqty qýanǵan shyǵar. Aman-esen osy karantınnen shyqsaq, eki qolǵa bir kúrek tabylyp qalar. Osyndaı qıyn shaqta eldiń amandyǵy men saýlyǵy úshin aıanbaı eńbek etip júrgen el azamattary men dárigerlerge kúsh-qýat bersin! Halqymyz aman bolsyn, – dedi S. Áýelbekov.

Ilmek sózder: Almaty 42500

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir