18 Sáýir, 2020 NEWS
total.kz
«Biryńǵaı jınaqtaýshy zeınetaqy qory» AQ salymshylardyń jınaq shotyndaǵy qarajattyń «azaıýyna» qatysty pikir bildirdi.
BJZQ ókilderi sońǵy kúnderi bizge – «Meniń jınaqtarymnyń somasy nege azaıyp ketti?» – degen saýaldar kóp qoıylatynyn aıtty.
"Jarnalar eshqashan azaımaıdy, olardyń saqtalýyna memleket kepildik beredi. Jarnalardyń 3 túri bar:
- mindetti zeınetaqy jarnalary (tabystyń 10% )
- mindetti kásiptik zeınetaqy jarnalary (tabystyń 5%, ony jumys berýshi óz qarajaty esebinen eńbek jaǵdaılary zııandy óndiristerde jumys isteıtin qyzmetkerlerdiń paıdasyna tóleıdi)
- erikti zeınetaqy jarnalaryn adam óz erkimen tóleıdi (ol kez kelgen somada bolady jáne tóleý kezeńdiligin de ózi tańdaıdy)
⠀
Investısııalyq kiris – zeınetaqy jınaqtary qarajatyn ınvestısııalaý nátıjesinde alynǵan tabys. Zeınetaqy aktıvterin QR Ulttyq Banki basqarady.
⠀
Zeınetaqy jınaqtary ártúrli qarjy quraldaryna (baǵaly qaǵazdar, sheteldik valıýtalar jáne t.b.) ınvestısııalanady, olardyń quny álemdegi ekonomıkalyq jaǵdaıǵa baılanysty únemi ózgerip otyrady. Sondyqtan ınvestısııalyq kiris ulǵaıyp, azaıýy múmkin.
⠀
Investısııalyq tabys kún saıyn esepteletin bolǵandyqtan, zeınetaqy jınaqtarynyń jalpy somasy da ózgerip otyrady. Sondyqtan ınvestısııalyq kiris tómen bolǵan kezde, zeınetaqy jınaqtarynyń somasy azaıady, ınvestısııalyq tabys jaqsy bolǵan kezde – zeınetaqy jınaǵy da ulǵaıatyn bolady.
⠀
Investısııalaý tabystylyǵyn birneshe kún sııaqty az ýaqyt emes, bir jyl tárizdi uzaǵyraq ýaqyt úshin qaraý kerek ekenin túsiný mańyzdy.
⠀
Jyl basynan bergi ınvestısııalyq qyzmettiń nátıjeleri oń úrdisti kórsetip otyr - salymshylardyń shottaryna 661,7 mlrd teńgeden astam ınvestısııalyq tabys eseptelgen. Al bul jyl basyndaǵy kórsetkishten 6% -ǵa jáne sońǵy 12 aıdaǵy tabystan 12% - ǵa jýyq mólsherge artyq.
⠀
Qurmetti salymshylar! «Qazaqstan Respýblıkasynda zeınetaqymen qamsyzdandyrý týraly» Qazaqstan Respýblıkasynyń zańyna saı sizderdiń jınaqtaryńyz tek sizderdiń menshikterińiz bolyp esepteledi!", - delingen BJZQ habarlamasynda.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir