Áleýmettik kómek alǵan aqtóbelik turǵyndar alǵysyn bildirdi

Aqtóbe oblysynda 160-myńnan astam turǵyn 42 500 teńge aldy. Qazir taǵy myńdaǵan adamnyń ótinishi qaralyp jatyr, dep QazAqparat habarlady.

Tótenshe jaǵdaı kezinde jumysynan aıyrylǵan Aqtóbe oblysynyń turǵyndary 42 500 teńgege ótinish berip jatyr. Olardyń arasynda kópbalaly analar, aqysyz demalysqa shyqqandar bar.

– Men I top múgedegimin. Tótenshe jaǵdaıǵa baılanysty memleket kómek berdi. Sol qoldaýdy sezinip, aqshalaı kómek aldym. Qazir saqtyq sharasy kúsheıip, el barynsha oqshaýlandy, úıde otyr, – dedi Oıyl aýdanynyń turǵyny Gúlsim Elekbaeva.

Al shalqarlyq Aıgerim Aldanov múmkindigi shekteýli balasyn baǵyp, bar kútimin jasap otyr.

– Men 16 jasqa deıingi múmkinshiligi shekteýli balanyń anasymyn. Balama memleket tarapynan júıeli túrde járdemaqy alamyn. Tótenshe jaǵdaıǵa baılanysty biz sııaqty otbasylarǵa memleket tarapynan áleýmettik qoldaý retinde kómek kórsetilip jatqanyna sheksiz rızashylyǵymyzdy bildiremiz. Osyndaı syn saǵatta berilip jatqan kómek bizge úlken qamqorlyq dep bilemiz. Elimiz buǵan deıin kóptegen qıynshylyqtardy basynan ótkerdi. Olardyń qaı qaısysyn da bereke - birliktiń, aýyzbirshiliktiń arqasynda jeńe bildi. Egemen elimiz bul jaǵdaıdan da aman - esen shyǵatynyna nyq senimmen aıta alamyn, – dedi ol.