QR Indýstrııa jáne ınfraqurylymdyq damý mınıstrligi kommýnaldyq qyzmet jetkizýshilerimen kelisim-sharty bar tutynýshylar úshin kommýnaldyq qyzmetti tóleýdi qarastyratyn tetik ázirledi.

Osylaısha, karantın engizilgen óńirlerde ákimdikter tutynýshylardyń derbes (abonenttik) shottaryna 2 aı boıy aı saıyn 15 myń teńgeden jiberip otyrady.

Memlekettik organdardyń usynysy negizinde tólem alýshylardyń kelesi sanattary anyqtaldy:

  • 1, 2, 3 top múgedekteri;
  • múgedek balalardy tárbıelep otyrǵan otbasylar;
  • kópbalaly otbasylar;
  • Uly Otan soǵysynyń múgedekteri men qatysýshylary, Uly Otan soǵysy múgedekteri men qatysýshylaryna teńestirilgen tulǵalar;
  • memlekettik nemese qoǵamdyq mindetterin, áskerı qyzmetin oryndaý barysynda, ǵarysh keńistigine ushýǵa daıyndyq barysynda nemese ushý kezinde, adam ómirin qutqarý jáne quqyq tártibin saqtaý kezinde qaza tapqan tulǵalardyń otbasylary;
  • tómen jáne odan az zeınetaqy alatyn zeınetkerler;
  • ataýly áleýmettik kómek alatyn azamattar, onyń ishinde jalǵyzbasty zeınetkerler.
"Tólemdi alý úshin tutynýshy aqparattyq júıeler nemese call-ortalyq arqyly jeke sáıkestindirý nómirin, áleýmettik dárejesin jáne derbes shot derekterin kórsete otyryp, ákimdikke ótinim berýi kerek. Ákimdik usynylǵan derekterdi tekseredi, málimetter ras bolǵan jaǵdaıda kommýnaldyq qyzmetter tutynýshysynyń derbes (abonenttik) shotyna qarjy aýdarady" delingen mınıstrlik taratqan málimdemede.
 
Aqparattyq júıeler nemese call-ortalyq nomeri qosymsha habarlanady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir