18 Sáýir, 2020 NEWS

"Qıyn jaǵdaıda memleket tarapynan qoldaý jasalyp jatqany qýantady"

Gúlnur Temirhanqyzy

Karantın jaǵdaıyna baılanysty Gúlnur Temirhanqyzy jumys isteıtin jeke tigin seh ýaqytsha toqtap tur. Osy kúrdeli kezde 42500 teńgelik járdemaqy kádimgideı kómek boldy deıdi sheber.

– Qazirgi ýaqytta qarjy jaǵynan qıyndyqqa ushyrap qalǵan azamattar aramyzda óte kóp. Solardyń biri – ózimmin. Tótenshe jaǵdaıǵa baılanysty jumysymyz toqtap tur. Osyndaı qıyn jaǵdaıda memleket tarapynan qoldaý jasalyp jatqany qýantady. Men 42500 teńgeni 42500.enbek.kz saıty arqyly ótinim berip, aldym. Memleket tarapynan osy kómektiń taǵaıyndalǵanyna úlken rahmetimdi aıtamyn, – dedi G. Temirhanqyzy.

Búginge deıin 784 myńnan astam almatylyq tótenshe jaǵdaı kezinde tabysynan aıyrylǵandarǵa arnalǵan 42 500 teńgelik járdemaqyǵa ótinim bildirgen. 238 myń turǵynnyń ótinimi keıinge qaldyrylsa, qalǵandaryna áleýmettik tólem taǵaıyndalǵan.

 

Ilmek sózder: 42500 teńge

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir