Vashıngton gýbernatory Djeı Inslı AQSh prezıdenti Donald Trampty "ishki búlik shyǵardy jáne ótirik aqparat taratty" dep aıyptady. Bul týraly Al Jazeera habarlady.

– Prezıdenttiń búgin tańerteńgi málimdemesi zańsyz jáne qaýipti áreketterge uryndyrady. Ol mıllıondaǵan adamdardy COVID-19 qaýpine ushyratpaqshy. Onyń halyqty "azat etýge" shaqyrǵan úndeýleri zorlyq-zombylyqqa ákelýi múmkin. Biz mundaıdy buǵan deıin de kórgen edik. Prezıdent ishki búlik shyǵaryp, ótirik aqparat taratýda, – dedi Inslı keshe tvıtterinde.

Gýbernatordyń tvıtterdegi jazbasy Tramp úıde bolý shekteýlerine qarsy narazylyqty qoldaǵannan keıin paıda boldy.

Buǵan deıin AQSh prezıdenti Donald Tramp pen keıbir shtattardyń gýbernatorlary arasynda pandemııa saıasatyna baılanysty kelispeýshilik bolǵan.

Tramp keıbir shtattardyń ekonomıkasyn qaıta qalpyna keltirý úshin shekteý sharalaryn birtindep alýdy quptaǵanymen, oǵan jergilikti bılik kelispeı otyr.

Prezıdent jaqynda tvıtterinde "MINNESOTAǵa azattyq!", "Mıchıganǵa azattyq!", "Vırgınııaǵa azattyq" dep jazǵan.

Juma kúni Tramp gýbernatorlardyń vırýsty tekserý synamasyn jasaýǵa federaldy úkimetten kómek suraǵan ótinishterine jaýap bere otyryp, "Shtattar testileýdi ózderi kúsheıtýi kerek!" dep aýyrtpalyqty ózderine artqan.

"Qamshy" silteıdi
Ilmek sózder: AQSh Tramp

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir