17 Sáýir, 2020 NEWS

Baqytjan Saǵyntaev Prezıdentke Almatydaǵy qazirgi sanıtarlyq-epıdemıologııalyq jaǵdaıdy baıandady

mixnews.lv

Memleket basshysymen telefon arqyly sóılesý barysynda Baqytjan Saǵyntaev Almatydaǵy qazirgi sanıtarlyq-epıdemıologııalyq jaǵdaı, koronavırýs indetiniń taralýyna jol bermeý, sondaı-aq karantın rejımin qamtamasyz etý jáne áleýmettik kómekke muqtaj turǵyndarǵa qoldaý kórsetý maqsatynda qabyldanyp jatqan sharalar týraly baıandady.

– Qazirgi tańda ınfeksııanyń jasyryn oshaqtaryn anyqtaý úshin indet juqtyrýy múmkin degen barlyq táýekel top ókilderin jappaı testileýdi jalǵastyrýdamyz. PSR ádisimen 26 myńǵa jýyq adam testileýden ótti, taǵy 21 myńy jedel-testileýden ótkizildi. Osyndaı jedel qolǵa alynǵan sharalardyń nátıjesinde medısına qyzmetkerleri men áskerı qyzmetshilerdiń jekelegen toptary arasynda qaterli vırýsty juqtyrý oshaqtary anyqtalýda. Olardyń bári dereý oqshaýlanyp, ınfeksııanyń odan ári taralyp ketpeýi úshin tıisti sanıtarlyq-epıdemıologııalyq sharalar qabyldanýda, – dep atap ótti B. Saǵyntaev.

Budan basqa, qalanyń ınfeksııadan taza aýmaǵyn qorǵaý maqsatynda indet anyqtalyp jatqan toptaǵy adamdar bólek oryndarǵa arnaıy bólingen tasymaldaý kólikterimen jetkizilýde.

Qazaqstan Prezıdentiniń tapsyrmasyna sáıkes megapolıstiń ekonomıkalyq belsendiligin kezeń-kezeńimen jańǵyrtý strategııasy ázirlendi. Ol úshin qalanyń ekonomıkasyna qan júgirtip, qaıta qalpyna keltirý úshin áleýeti joǵary kásiporyndar, sondaı-aq koronavırýs ınfeksııasyn taratý qaýpi tómen dep tanylǵan sektorlar anyqtaldy.

Bıznes ókilderi úshin boryshkerlik jáne qarjylyq qıyndyqtardy azaıtý boıynsha júıeli sharalar qabyldanýda. EDB-men birlesip bıznes sýbektileriniń qaryzdary boıynsha tótenshe jaǵdaı kezinde tólemderdi keıinge qaldyrýdy jedeldetý máselesi pysyqtaldy. Budan basqa qala ekonomıkasyn qalpyna keltirý úshin daǵdarysqa qarsy jospar ázirlenýde.

«Jumyspen qamtýdyń jol kartasy» baǵdarlamasy boıynsha jobalardy iske asyrý kezinde shamamen 26 myń jumys orny qurylady. Qoldanystaǵy baǵdarlamalardy, atap aıtqanda, «Almaty Bıznes – 2025» jáne iri ınvestısııalyq jobalardy iske asyrý jalǵasady. Al bul óz kezeginde taǵy 15 myńǵa jýyq jańa jumys ornyn qurýǵa múmkindik beredi.

Memleket Basshysynyń tapsyrmalaryn oryndaý maqsatymen tótenshe jaǵdaı kezinde halyqtyń áleýmettik osal toptaryn jáne qala turǵyndaryn qoldaý úshin keshendi sharalar iske asyrylýda.

Muqtajdardyń biryńǵaı tizimin qalyptastyrý úshin ótinishter qabyldaıtyn koll-ortalyq quryldy. Demeýshilerdiń qarajaty esebinen azyq-túlik sebetin jetkizý, 2 AEK kóleminde áleýmettik tólemder, «Birgemiz» QQ-nan 50 myń tg mólsherindegi qaıyrymdylyq kómek, UOS qatysýshylary men múgedekterine 1 mln. teńge, olarǵa teńestirilgen tulǵalarǵa 100 myń tg jáne eńbek maıdanyna qatysýshylarǵa 50 myń tg mólsherinde birjolǵy áleýmettik tólem sekildi kómek túrleri uıymdastyryldy.

Azyq-túlik jıyntyǵymen 10 243 muqtaj otbasy qamtamasyz etildi. Al 2 AEK mólsherindegi áleýmettik kómekpen 68,2 myń adam qamtyldy. Búgingi kúni 44,2 myń adamǵa 246,2 mln tg kómek kórsetilgen. Sonymen qatar, resmı túrde jumyssyz retinde tirkelgen III toptaǵy 17,2 myń múgedek jan 95,8 mln tg kómek aldy.

Tótenshe jaǵdaıǵa oraı tabysynan aıyrylǵan azamattarǵa tıesili 42 500 tg (1 ETJ) 333 215 turǵynǵa 14,2 mlrd tg somasynda taǵaıyndalyp, aýdaryldy.

Telefon arqyly sóılesý barysynda Qazaqstan Prezıdenti Qasym-Jomart Toqaev qyzmetin qaıta bastaıtyn kásiporyn qyzmetkerleriniń sanıtarlyq qaýipsizdigin qamtamasyz etýdi tapsyrdy. Sonymen qatar, qala ákimdigi muqtajdarǵa áleýmettik kómek kórsetý sharalaryn iske asyrý jáne koronavırýstyq ınfeksııanyń taralýyna jol bermeý úshin sanıtarlyq-epıdemıologııalyq jaǵdaıdy turaqtandyrý jónindegi jumysty jalǵastyrýy qajet.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir