• USD 468.56

  • EUR 497.56

  • RUB 7.3

  • CNY 67.18

29 Naýryz, 14:18:40
+35°

Almaty qalasyndaǵy 17 sáýir kúngi epıdemıologııalyq jaǵdaı týraly qalalyq Qoǵamdyq densaýlyq basqarmasynyń basshysy Tileýhan Ábildaev baıandady. Qalada koronavırýstyq ınfeksııany juqtyrǵan 461 oqıǵa tirkeldi.

Sonymen qatar, tirkelgen 63 adamnyń arasynda 2004 jyly týylǵan bala da bar. Ortalyq qalalyq klınıkalyq aýrýhananyń 10 medısına qyzmetkeri, JRVI belgileri bar osy stasıonardyń eki emdelýshisi, jedel medısınalyq járdem qyzmetiniń 1 qyzmetkeri, № 7 Qalalyq klınıkalyq aýrýhananyń 2 qyzmetkeri, №12 qalalyq emhananyń 2 qyzmetkeri, Almaty kópsalaly klınıkalyq aýrýhanasynyń eki qyzmetkeri jáne oqshaýdaǵy jandarmen baılanysta bolǵan 44 adam, onyń 21-inde JRVI jáne pnevmonııa belgileri bar.

Búgingi tańda megapolıstiń juqpaly aýrýlar stasıonarlarynda emdelip jatqan Almaty oblysynyń naýqastarymen qosa alǵanda 392 adam koronavırýstyq ınfeksııadan emdelip jatyr. Bir naýqastyń jaǵdaıy óte aýyr, 4-ýi aýyr, 92-i ortasha aýyr, 295-i qanaǵattanarlyq deńgeıde.

– Sovid-19 indetin juqtyrǵan medısınalyq qyzmetkerlerdiń jalpy sany 234-ke jetti. Olardyń arasynda 193 qalalyq ortalyq aýrýhananyń medısınalyq- sanıtarlyq qyzmetkerleri, 31 qalalyq balalar klınıkalyq juqpaly aýrýlar aýrýhanasynyń, N7 Qalalyq klınıkalyq aýrýhananyń 2 qyzmetkeri, jedel medısınalyq járdemniń 3 qyzmetkeri, N12 qalalyq emhananyń 3 qyzmetkeri, N11 jáne N32 qalalyq emhanalardyń bir-bir qyzmetkeri bar. Qalalyq provızorlyq ortalyqtarda emdelip jatqan 356 adamnyń ishinde 18 bala bar. Sonymen qatar, karantındik oqshaýlanýda 422 adam, olardyń 7-ýi bala jáne 7992 adam úıde karantındik oqshaýlanýda, – dedi basqarma basshysy.

Keıbir BAQ-ta COVID-19 koronavırýsymen kúres aıasynda epıdemııaǵa qarsy is-sharalarǵa tartylǵan medısına qyzmetkerlerine ústeme aqynyń tólenbegeni jóninde aqparattyń jarııa bolǵanyna qatysty túsinikteme berdi.

– Atalǵan fakti boıynsha barlyq jumys istegen saǵattar úshin Memkomıssııa sanattarynyń táýekel tizimine kiretin medısına qyzmetkerleri tolyq kólemde alǵandyǵyn resmı túrde málimdeımin. Esterińizge sala ketsem, Memlekettik komıssııanyń sheshimine sáıkes jáne Memleket basshysynyń tapsyrmasy boıynsha táýekeldiń úsh tobyna jatatyn medısına qyzmetkerleri ústemaqy alýǵa quqyly. Olardyń qatarynda reanımasııa bólimsheleri, ınfeksııalyq stasıonarlar, provızorlyq stasıonarlar jáne jedel járdem, karantındik stasıonarlar, sanıtarlyq dárigerler, jedel járdemniń júrgizýshileri jáne t.b. dárigerler, orta jáne kishi medısına qyzmetkerleri bar, – dep atap kórsetti.

Qalalyq balalar juqpaly aýrýlar aýrýhanasy men qyzmeti, jedel medısınalyq kómek kórsetý ortalyqtarynda túsindirý jumystary júrgizilip, negizgi erejeler tanystyryldy. Buıryq negizinde kimniń jalaqysyna ústemaqy qosylatyny týraly aıtyldy.

Al osy buıryq negizinde táýekel tobyna kirmegen qyzmetkerlerge medısınalyq uıymdardyń jalaqy qorynan qarjylaı qoldaý kórsetý týraly sheshim qabyldandy. Mundaı materıaldyq qoldaý medısına qyzmetkerlerin yntalandyrý jáne qoldaý úshin óte mańyzdy.

– Sondaı-aq, tólemder "QR Salyq kodeksine" sáıkes barlyq salyqtardy eskere otyryp, aılyq jumys balansynan aspaıtyn naqty jumys istegen ýaqyty úshin júrgiziletinin eske salǵym keledi, – dep tolyqtyrdy T. Ábildaev.

Búgingi tańda 3758 qyzmetkerge, onyń ishinde 498 dáriger, 1800 orta medısınalyq qyzmetker, 624 kishi medısınalyq qyzmetker jáne 836 basqa qyzmetkerler, onyń ishinde 822 jedel medısınalyq kómek qyzmetiniń júrgizýshilerine ústeme tólendi.

Tólenip otyrǵan ústemeniń jalpy somasy 1 134,8 mln.teńgeni qurady. Qazirgi ýaqytta jedel medısınalyq kómek qyzmetiniń qyzmetkerlerine ústeme tólemder tólenýde, osylaısha barlyq medısına qyzmetkerleri 100%-ǵa qamtylatyn bolady.

SOVID-19 indetin juqtyrǵan medısına qyzmetkerlerine 2 mln tg kóleminde tólemaqy tólenedi. Bul tólem QR DSM komıssııasynyń epıdemıologııalyq tekserýinen keıin tólenedi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir