• USD 468.56

  • EUR 497.56

  • RUB 7.3

  • CNY 67.18

29 Naýryz, 11:02:07
Almaty
+35°

Qazaqstanda tótenshe jaǵdaı kezinde tabysynan aıyrylǵan azamattarǵa Memlekettik áleýmettik saqtandyrý qorynan járdemaqy berý týraly sheshim qabyldandy. Osy oraıda, áleýmettik kómekke qol jetkizgen azamattar memlekettik qoldaýǵa qatysty óz oılaryn bildirdi. 

Kókshetaý qalasynyń turǵyny Qadyr Qasymjanov 61 jasta. Ul men qyz tárbıelep otyrǵan ardaqty áke. Qurylys salasyna bar ǵumyryn arnaǵan aqsaqaldyń úıde jumyssyz otyrǵanyna 1 jyldyń kólemi bolǵan. 
Biz sııaqty jumyssyz otyrǵan egde adamdarǵa úkimettiń berip jatqan járdemaqysy kishkentaı bolsa da, kómek bolyp tur. Osydan bir jyl buryn kúzette qyzmet atqardym. Qazir úıde jumyssyz otyrmyn. Jasyma baılanysty kóp mekeme jumysqa alǵysy kelmeıdi. "Úkimetten jumyssyzdarǵa osyndaı kómek berip jatyr" degendi estigen boıda 3 sáýir kúni bankke baryp, ótinim toltyrdym. Mine, búgin 42 500 teńgeni alyp otyrmyn. О́te qýanyshtyn. Osyndaı biz sııaqty jumyssyz adamdarǵa úkimet tarapynan kómek kórsetilip otyrǵanyna rızamyn. Prezıdentimizge alǵysymdy bildiremin, – dedi Qadyr Qasymjanov.

42 500 teńge kólemindegi járdemaqy alǵandardyń qatarynda Petropavl qalasynyń turǵyny Balhııa Janybekova da bar.  24 jastaǵy jas ana bala kútimine baılanysty úıde otyr. Buryn-sońdy eshqandaı jumys ornynda tirkelmegen. 

Tótenshe jaǵdaı kezinde jumyssyzdarǵa berilip jatqan kómekti alýǵa qarsy bolmadym. Árıne, biz sııaqty jas otbasyǵa mundaı kómek kóptik etpeıdi. Joldasym quqyqqorǵaý organdarynda qyzmet atqarady. Ol – otbasymyzdyń jalǵyz asyraýshysy. Bizdiń 1 jasar qyzymyz bar. Qazir osy bala kútimine baılanysty úıde otyrmyn. О́te rızamyn. О́tinimdi toltyrǵannan keıin bir jumanyń ishinde aqsha tústi. Jumyssyz otyrǵan árbir janǵa osyndaı aqshalaı qoldaý kerek dep oılaımyn, – dedi jas ana.  

Jeke kásipker Aqnur Jambylova da járdemaqy alǵandardyń qatarynda. Onyń aıtýynsha, ol eshqaıda ótinim jibermegen. 

Basynda ótinim berýge uıalǵanym ras. Sebebi menen de muqtaj jandar kóp dep oıladym. Solardyń bireýine buıyrsyn dedim. Alaıda, 10 sáýir kúni tańerteń "42 500 teńge taǵaıyndaldy" degen habarlama keldi. Tań qaldym. Sóıtsem, jeke kásipkerlerge avtomatty túrde járdemaqy túsip jatyr eken. Árıne, qýandym. Kishkene bolsyn kómek. Joldasym ekeýmizdiń tórt balamyz bar. Joldasym tótenshe jaǵdaı kezinde de jumys istep jatyr. Men balalarmen úıdemin. Sondyqtan járdemaqy bergen jandarǵa alǵys aıtamyn, – dedi nur-sultandyq jeke kásipker.

BAQ.KZ

"Qamshy" silteıdi
Ilmek sózder: 42500 teńge

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir