Eldegi sońǵy oqıǵalar aıasynda halyqtyń azyq-túlik qaýipsizdigin qamtamasyz etý óte mańyzdy. Bul jaǵdaıda kóptegen kásipkerler men bıznesmender kómekke keldi. Alaıda, keıbir kásipkerler keıde ónim baǵasyn kóterdi. Osylaısha, Almaty qalasynyń Sybaılas jemqorlyqqa qarsy qyzmeti Arnaıy monıtorıngtik toby jáne Almaty qalasynyń ákimdigimen birlese otyryp, áleýmettik mańyzdy ónimder baǵasynyń qymbattaýyna monıtorıng júrgizýde.

– Tótenshe jaǵdaı kezindegi qyzmettiń negizgi ekpini jasyl dálizdiń úzdiksiz jumys isteýine, azyq-túlik taýarlarynyń baǵasyn ustap turýǵa, bıznesti qoldaý sharalaryn ázirleýge qoıylǵan. Munyń bári kezeń-kezeńmen júzege asyrylady. Biz turaqty túrde reıdter ótkizip, baqylaımyz, –  dep Almaty qalasy Sybaılas jemqorlyqqa qarsy qyzmet basshysynyń birinshi orynbasary Danııar Taýmurat óz suhbatynda aıtty.

– Qala turǵyndaryn azyq-túlik taýarlarynyń negizgi túrlerin tutyný kólemin eskere otyryp, turaqtandyrý qoryn tolyqtyrý úshin jergilikti bıýdjetten 7 mlrd teńge bólindi, qalany úsh aı ishinde turaqty baǵamen 17 taýar túri boıynsha úzdiksiz qamtamasyz etý boıynsha otandyq taýar óndirýshilermen kelisimge qol qoıyldy, –  dep habarlandy qala ákimdiginen.

Almaty qalasynyń ákimdigi men Almaty qalasynyń sybaılas jemqorlyqqa qarsy qyzmeti kásipkerlerdi halyqqa kómek kórsetýge jáne birinshi kezekte qajetti taýarlardyń baǵasyn kótermeýge shaqyrady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir