17 Sáýir, 2020 Saıasat

Pekınge nota joldaýǵa sebep bolǵan daýly maqalaǵa qatysty Qytaı elshisi pikir bildirdi

zakon.kz

Nur-Sultannyń Pekınge nota joldaýyna túrtki bolǵan Sohu.com saıtyndaǵy "Qazaqstan nege Qytaıǵa oralýdy qalaıdy?" degen maqalaǵa qatysty Qytaıdyń Qazaqstandaǵy elshisi Chjan Sıao pikir bildirdi. Bul týraly elshi óziniń facebook paraqshasyna jazdy. 

"Avtory belgisiz maqala qytaılyq saıtqa, qytaı tilinde jarııalanǵan. Degenmen bul maqalyń avtory Qytaı azamaty jáne maqalaǵa Qytaı úkimetiniń qatysy bar dep tujyrym jasaýǵa negiz bola ala ma? Qytaı tilinde tek qytaılar, orys tilinde tek orystar jazady degen tujyrym bolsa "aǵylshyn tilinde kimder jazady?" degen suraq týyndaıdy emes pe? Qazirgi saıttarǵa kirý tegin ekeni belgili. Kez kelgen arandatýshy muny óz paıdasyna asyra alady. Búgingi tańda álemde sensasııalyq aıdarlardy kópshiliktiń nazaryn aýdarý úshin, al keıbir adamdar úshin saıası upaılardy alý úshin paıdalanady. Biraq bul maqalanyń kimniń múddesi úshin jasalǵanyn anyqtaý kerek. Degenmen bul uzaq zertteýdi qajet etpeı, shyndyq jaqyn ýaqytta belgili bolady dep oılaımyn" dep jazdy Chjan Sıao. 

Sohu.com ınternet platformasynda jarııalanyp, keıin ashylmaı qalǵan maqalada “Tarıhta Qazaqstan Qytaıdyń aýmaǵyna tıesili bolǵan, Qazaqstan Sın ımperııasynyń vassaly edi” dep jazylǵan. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir