«Birgemiz» qoǵamdyq qorynyń baspasóz qyzmeti

Elbasy Nursultan Nazarbaevtyń bastamasymen qurylǵan «Birgemiz» qoǵamdyq qory Qamqorshylyq keńesiniń otyrysynda tótenshe jaǵdaı kezinde turǵyndardyń áleýmettik jaǵynan álsiz toptaryna odan ári kómek kórsetý tetikteri talqylandy. Jıynǵa oblys ákimderiniń orynbasarlary, partııa fılıaly tóraǵalarynyń birinshi orynbasarlary jáne «Birgemiz» aımaqtyq qorlarynyń basshylary onlaın-rejıminde qatysty.

Qordyń Qamqorshylyq keńesiniń tóraǵasy Baýyrjan Baıbek Tuńǵysh Prezıdent Nursultan Nazarbaevtyń tapsyrmasymen, Memleket basshysy Qasym-Jomart Toqaev qolǵa alǵan aýqymdy qoldaý sharalaryna qosymsha búginge deıin 152 myńnan astam otbasyǵa 50 myń teńgeden birjolǵy kómek kórsetilgenin atap ótti.

– Partııa Tóraǵasy osy baǵyttaǵy jumysty ary qaraı jalǵastyryp, qoldaý sharalarynyń ekinshi kezeńin mamyr aıynyń basynda ótkizýdi tapsyrdy. 23 qalada 50 000 teńge kólemindegi birjolǵy tólem buryn kómek almaǵan 210 myń muqtaj otbasyna qoldaý retinde beriledi. Otbasylyq koeffısıentti eskersek, osy joly beriletin kómek 1 mıllıonǵa jýyq adamdy qamtymaq. Biz muny júzege asyrý algorıtmin jasap qoıdyq. О́ńirlerde qajetti ınfraqurylym – jedel shtab jáne aımaqtyq qorlar quryldy. Jaýapty basshylar men atqarýshy menedjerler bekitildi. Ekinshi deńgeıdegi banktermen ózara is-qımyl jolǵa qoıyldy. Qazirgi tańda kásipkerler Qordyń ashyq ta aıqyn qyzmetine kóz jetkizip, Qorǵa qaıyrymdylyq kómek aýdarýǵa nıettilerdiń qatary artyp keledi, – dedi Baýyrjan Baıbek.

Sonymen qatar, «Nur Otan» partııasy Tóraǵasynyń birinshi orynbasary jıynǵa qatysýshylarǵa birinshi kezeń barysynda anyqtalǵan kemshilikterge, onyń ishinde birqatar óńirlerde muqtaj adamdardyń tizimderin jasaýda ketken olqylyqtarǵa osy joly basa mán berýdi tapsyrdy.

– Tizimge shynynda kómekke muqtaj, materıaldyq jaǵdaıy tómen azamattar ǵana enýi kerek. Qordyń resýrstary shekteýli. Sondaı-aq, biz azamattar «Birgemiz» qorynan 50 myń teńge aýdarylǵany týraly SMS-habarlama alyp, biraq is júzinde kartalaryna aqsha túspegen jaǵdaıdy da anyqtadyq. Temirtaýda osyndaı 11, Qyzylordada – 10, Qostanaıda – 9, Kókshetaýda – 7, Semeıde – 2 jaǵdaı oryn alǵan. Partııanyń aımaqtyq fılıaldarynyń jetekshileri azamattarǵa qarjynyń túsýine monıtorıng júrgizip, týyndaǵan máselelerdi tez arada sheshýi qajet. Jalpy, kómek alýshylardyń tizimin ákimdikter jasaıtynyn taǵy da bir ret basa aıtyp ótkim keledi. Bul – sizderdiń jaýapkershilikterińizdegi jumys. Eger azamattar sizderge ótinish jasasa, bastaryńyzdy alyp qashpaı, olardyń máselelerin jergilikti jerde sheshińizder. Osyndaı faktiler anyqtalǵan jaǵdaıda, Partııalyq baqylaý komıteti tekserip, partııanyń mundaı múshelerine qoldanylatyn tıisti sharalar jóninde usynystar ázirleýi kerek. Jaýapkershilik alyp, qarapaıym adamdardyń máselelerine «qulaq asýǵa» jáne sheshýge daıyn emes sheneýnikterge qatysty Memleket basshysynyń tıisti nusqaýy bar, – dedi Baýyrjan Baıbek.

Aıta keteıik, «Birgemiz qorynyń aıasynda keshe «Jas Otan» eriktileri Nur-Sultan, Almaty jáne Shymkent qalalaryndaǵy 100 myńnan astam áleýmettik osal otbasylarǵa 5 mıllıon qorǵanys maskalaryn tegin jetkizýdi bastady. Qazirdiń ózinde búkil el boıynsha 60 myńnan astam muqtaj otbasy azyq-túlik sebetteri men birinshi kezekte qajetti taýarlarmen qamtamasyz etildi. Indetke qarsy is-sharalarǵa jumyldyrylǵan 2 myńnan astam medısına qyzmetkeri qordan 50 myń teńgeden aldy.

«Birgemiz» qoǵamdyq qorynyń baspasóz qyzmeti

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir