17 Sáýir, 2020 NEWS

Saǵyntaev: Kásiporyndar qyzmetin jandandyrýdyń basty sharty — sanıtarlyq qaýipsizdikti saqtaý

almaty_akimat

Almaty ákimi B. Saǵyntaev ónerkásiptik kásiporyndar men qurylys kompanııalarynyń basshylarymen 20 sáýirden bastap jumysty qaıta jandandyrý máselelerin talqylady.



Onlaın rejıminde bolǵan kezdesýdiń basty máselesi qyzmetkerlerdiń sanıtarlyq qaýipsizdigin qamtamasyz etý, olardy koronavırýstyq ınfeksııany juqtyrýdan qorǵaýdy qamtamasyz etý boldy.

Belgili bolǵandaı, Prezıdent janyndaǵy Memlekettik komıssııanyń sheshimimen ónerkásiptik jáne qurylys sektorlary men ilespe qyzmetter kórsetetin kompanııalar kásiporyndarynyń qyzmetin kezeń-kezeńmen qaıta jańǵyrtý týraly sheshim qabyldandy.

– Bul úderisti biz 20 sáýirden bastap bastaýdy josparlap otyrmyz. Bul rette eń bastysy – qyzmetkerlerdiń qaýipsizdigin qamtamasyz etý jáne densaýlyǵyn qorǵaý jónindegi sanıtarlyq-epıdemıologııalyq erejelerdi qatań saqtaýdy qamtamasyz etý qajet, – dedi Baqytjan Saǵyntaev, sondaı-aq ol buzýshylyqtar anyqtalǵan jaǵdaıda kásiporyndarǵa eldegi tótenshe jaǵdaı aıaqtalǵanǵa deıin jumys isteýge tyıym salynatynyn atap ótti.

Aldaǵy eki-úsh kún ishinde ákimdik pen «Atameken» UKP jáne taýarlar men qyzmetterdiń qaýipsizdigin baqylaý komıteti departamentiniń ókilderi kirgen komıssııa kásiporyndardyń daıyndyǵyn tekseredi. Basty nazar jeke qorǵanys quraldarynyń, sanıtaızerlermen jabdyqtalýyna, óndiristik jáne keńse úı-jaılaryn óńdeýge, kire beristegi qyzmetkerlerdiń dene temperatýrasyn baqylaýǵa jáne sanıtarlyq qorǵaýdy qamtamasyz etýdiń basqa da sharalaryna aýdarylatyn bolady.

Jekelegen salalar boıynsha arnaıy ázirlengen hattamalarda kórsetilgen talaptarǵa sáıkes kelgen kezde qyzmetke ruqsat beretin akt beriletin bolady. Turaqty monıtorıng kezinde buzýshylyqtar anyqtalǵan jaǵdaıda akt keri qaıtarylyp, qyzmeti toqtatylady.

Kásiporyn basshylary óz pikirlerin aıtyp, jumysty jańa jaǵdaıda bastaýǵa jáne óz qyzmetkerleriniń qaýipsizdigin qamtamasyz etýge daıyn ekendikterin bildirdi. Olar sondaı-aq ákimdik pen jedel shtab qabyldaǵan, qatań sanıtarlyq-epıdemıologııalyq erejelerdi saqtaı otyryp, qalanyń ekonomıkalyq belsendiligin qalpyna keltirýge baǵyttalǵan sheshimderdi qoldady.

– Eń bastysy – bizdiń qyzmetkerlerdiń ómiri men densaýlyǵy, – dedi О́nerkásip jáne qurylys salalarynyń basshylary.

Buǵan deıin habarlanǵandaı, Almatyda jumyspen qamtylǵandar sany 728 myń adamǵa qysqardy. Olardyń ishinde 200 myń adam qashyqtan jumys jasaý rejımine kóshken, negizinen qarjy sektorynda, sondaı-aq bilim berý, memlekettik basqarý, aqparat jáne baılanys salalarynda jumys isteıdi. Nátıjesinde, 300 myńǵa jýyq adam ýaqytsha tabyssyz qaldy.

20 sáýirden bastap ónerkásip kásiporyndarynyń, qurylys salasyndaǵy kompanııalardyń, qurylys materıaldarynyń kóterme saýda naryǵynyń jumysyn iske qosý josparlanýda. Sondaı-aq, aldyn ala jazylý boıynsha notarıýstar jáne Almatynyń Naýryzbaı aýdanyndaǵy HQKO-nyń bir keńsesi tek bızneske qyzmet kórsetý úshin jumys jasaıdy.

Osy saladaǵy kásiporyndardy iske qosý bir aı ishinde jumyspen qamtylǵan halyqtyń sanyn qosymsha 90 myń adamǵa ulǵaıtýǵa múmkindik beredi. Bul rette jumys berýshiler qatań sanıtarlyq normalardy saqtaý úshin derbes jaýapty bolady. Qyzmetkerlerdi COVID-19-dan qorǵaý jónindegi is-sharalardyń tolyq tizimi barlyq ónerkásiptik jáne qurylys nysandary úshin ázirlengen.

Sonymen qatar, qaladaǵy epıdemıologııalyq jaǵdaıdy eskere otyryp, barlyq obektiler jumys komıssııasy tarapynan qajetti sanıtarlyq talaptarǵa sáıkestigi turǵysynan aýdıtten keıin ǵana kezeń-kezeńmen ashylatyn bolady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir