• USD 468.56

  • EUR 497.56

  • RUB 7.3

  • CNY 67.18

29 Naýryz, 01:16:48
Almaty
+35°

Qytaıdyń aǵylshyntildi Global Times basylymy Qytaı tarıhı oqýlyqtardaǵy Qazaqstanǵa qatysty tustardyń mazmunyna úlken mán beretinin málim etti, dep jazady Qamshy tilshisi.

14 sáýirde Qazaqstan Syrtqy ister mınıstrliginiń ókili Qazaqstandaǵy Qytaı elshisi Chjan Sıaomen kezdeskende jasóspirimderdi durys tarıhı kózqarasqa tárbıeleý úshin, eki el arasyndaǵy dostyqtyń urpaqtan urpaqqa jalǵasýy úshin oqýlyqtardyń mazmunyna mán berý kerektigi aıtylǵan.

Reuters "Qazaqstannyń syrtqy ister mınıstrligi seısenbide maqalaǵa narazylyq bildirý úshin Qytaı elshisin shaqyrǵan" dep jazsa, Qytaıdyń Qazaqstandaǵy elshisi Chjan Sıao Global Times gazetine bul ádettegi dıplomatııalyq kezdesý ekenin jáne ol jaıbaraqat jáne dostyq jaǵdaıda ótkenin aıtqan.

Chjan qazaqstandyq taraptyń ótinishin Qytaıdaǵy tıisti vedomstvolarǵa jiberýge ýáde bergen.

14 sáýirdegi kezdesýde Qazaqstan Syrtqy ister mınıstrliginiń ókili qytaılyq Sohu.com saıtynda jarııalanǵan "Qazaqstan nege Qytaıǵa oralýǵa tyrysady" atty maqalaǵa qatysty narazylyq bildirgen bolatyn. Al Qazaqstannyń Qytaıdaǵy elshiligi Qytaıdyń Syrtqy ister mınıstrligine narazylyq nota joldaǵan.

Artynsha Qytaı saıttary Qazaqstanǵa qatysty daýly maqalany óshirdi.

Qazaqstandaǵy Qytaı elshisi Chjan Sıao "jýyrda Qytaıdyń táýelsiz kontentinde jarııa bolǵan maqala eshbir resmı oryndardyń kózqarasyn tanytpaıdy. Alaıda, bul jaǵdaı qazirgi tańda ǵalamtordyń jalǵan, las, ári árqıly ósek-aıań aqparattarǵa tolyp ketkenin aıshyqtap berdi" dep málimdegen.

Sondaı-aq ol óziniń facebook paraqshasynda "jastarǵa obektıvti tarıhty durys kórsetý qajettiligin" jazǵan.

"Qamshy" silteıdi
Ilmek sózder: Qazaqstan Qytaı

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir