• USD 468.56

  • EUR 497.56

  • RUB 7.3

  • CNY 67.18

29 Naýryz, 12:06:29
Almaty
+35°

QR Qarjy naryǵyn retteý men damytý agenttigi tóraǵasynyń birinshi orynbasary Oleg Smolıakov tótenshe jaǵdaı kezinde shaǵyn jáne orta bıznes ókilderine jeńildikpen nesıe berý baǵdarlamasy iske asyrylyp jatqyndyǵyn onlaın-brıfıngte atap aıtty.

Spıker sóziniń basynda bank sektory búgingi daǵdarysty jaǵdaılarǵa barynsha daıyn bolǵanyn atap ótti.

Búgingi pandemııa jaǵdaıynda, karantındik rejım kezinde suranystyń, tabys kózderiniń tómendeýine, kásiporyndar qyzmetiniń ýaqytsha toqtatylýyna baılanysty ekonomıkanyń negizgi sektoryna jáne qarjy sektoryna áser etetin jańa qaterler týyndaıtyny aqıqat.

Spıker koronavırýs pandemııasyna jol bermeı, bıznesti qarjylyq jaǵynan qoldaý jáne qaryz alýshylardyń boryshqa batyp qalmaýy úshin daǵdarysqa qarsy qosymsha sharalar qabyldanǵanyn atap ótti.

2020 jyldyń 30 naýryzynan 30 qyrkúıegine deıingi kezeńge prýdensııalyq retteýdiń ýaqytsha kontrsıkldyq sharalary engizildi.

ShOB-ǵa jeńildikpen nesıe berý baǵdarlamasy ázirlenip, iske asyrylýda, oǵan 600 mlrd tg bólindi.

– Koronavırýs ınfeksııasynyń pandemııasyna jáne onyń Qazaqstan ekonomıkasyna tıgizip otyrǵan zardabyna baılanysty tótenshe jaǵdaı saldarynan zardap shekken shaǵyn jáne orta bıznes sýbektilerin, jeke kásipkerlerdi qoldaý úshin Qazaqstan Respýblıkasy Prezıdentiniń tapsyrmasy boıynsha Ulttyq Bank agenttigimen birlesip ShOB sýbektilerine jeńildetilgen nesıe berý Baǵdarlamasy ázirlendi, – dedi ol.

Spıkerdiń sózine súıensek, Baǵdarlama ekinshi deńgeıli bankterdiń ShOB sýbektilerine, onyń ishinde tótenshe jaǵdaı kezinde zardap shekken jeke kásipkerlerge aınalym kapıtalyn tolyqtyrýǵa 12 aıǵa 8% jeńildikti nesıeler berý jolymen iske asyrylady.

Baǵdarlamaǵa qatysýshy bankterge bólingen qarajatty memlekettik jáne memlekettik emes baǵaly qaǵazdardy satyp alýǵa, basqa bankterge depozıtterge ornalastyrýǵa, shetel valıýtasyn satyp alýǵa tyıym salynady.

Osy jyldyń 14 sáýirindegi jaǵdaı boıynsha, ıaǵnı Baǵdarlamany iske asyrý sátinen bastap 12 kún ishinde shaǵyn jáne orta bıznes sýbektilerinen 213,9 mlrd tg somasyna 1 131 ótinim kelip túsken, onyń ishinde 41,7 mlrd tg somasyna 92 ótinim maquldanǵan.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir