Q. Nadyrov, QR Densaýlyq saqtaý vıse-mınıstri – Almaty qalasynyń laboratorııalyq qyzmetinen úlgi alýǵa bolady

Búgin Almaty qalasynyń О́ńirlik kommýnıkasııa qyzmeti alańynda ótken brıfıngte QR Densaýlyq saqtaý vıse-mınıstri Qamaljan Nadyrov megapolıstegi zerthanalar jumysynyń nátıjeligin atap ótti.

Eldegi tótenshe jaǵdaıǵa baılanysty Densaýlyq saqtaý mınıstri E. Birtanovtyń tapsyrmasy boıynsha búkil el aýmaǵynda monıtorıngtik toptar jumys isteıdi. Monıtorıngtiń maqsaty – memlekettik Bas sanıtarlyq dárigeriniń tapsyrmalarynyń medısınalyq uıymdarda oryndalýyn baǵalaý jáne baqylaý.

Atap aıtqanda, COVID-19-ǵa qarsy kúres boıynsha aldyn alý sharalaryn saqtaýda qala ishindegi naýqastar legin bólý algorıtmi; medısınalyq uıym ishinde naýqastar legin bólý algorıtmi; jeke qorǵaný quraldaryn paıdalaný jáne ony joıý erejesi, sondaı-aq mańyzdy sharalardyń mindetti túrde oryndalýyn saqtaý.

– Búgingi tańda el aýmaǵynda 5-6 myńǵa jýyq test júrgiziledi. Osy oraıda Almaty qalasyndaǵy zerthanalyq qyzmettiń jumysyn erekshe atap ótkim keledi. Qazirgi tańda olardyń qyzmetin úlgi tutarlyq desek bolady. Almatyda myńǵa jýyq testter júrgiziledi. Bul – zerthananyń jumysyna jáne osy sharaǵa qatysatyn medısına qyzmetkerlerine aýyr júkteme, – dedi Q. Nadyrov.