Búgin Almaty qalasynyń ákimi Baqytjan Saǵyntaev respýblıkanyń jetekshi BAQ ókilderi jáne qoǵam belsendilerimen onlaın rejıminde kezdesý ótkizdi. Kezdesý barysynda koronavırýstyq ınfeksııamen kúres sharalary týraly aıtyp, suraqtarǵa jaýap berdi.

Qalada barlyq táýekel toptarynyń PSR ádisimen jedel-testileý jáne testileý bastaldy. Bul 193 myń qyzmetker, ıaǵnı, olardyń qatarynda áskerı qyzmetshiler, polısııa qyzmetkerleri, dárigerler, eriktiler, júk jáne jolaýshylar kóliginiń júrgizýshileri, temirjolshylar, iri nysandardaǵy qurylysshylar, ınternattar, azyq-túlik kásiporyndary, TKSh jáne t. b. qyzmetkerleri bar.

Juqtyrýdyń jasyryn oshaqtaryn anyqtaýdyń jańa algorıtmine súıene otyryp, qalada epıdemııaǵa qarsy is-sharalar kúsheıtildi. Basty maqsat – epıdemıologııalyq jaǵdaıdy turaqty baqylaýda ustap, juqtyrý deńgeıin tómendetý bolyp tabylady.

Qala ákimi B. Saǵyntaev búginde kúsheıtilgen karantın jaǵdaıynda qalada 210 myń jumys ornyn qamtamasyz etetin kásiporyndar men uıymdar jumys isteýin jalǵastyrýda, bul ekonomıkada jumyspen qamtylǵandardyń 17%-yn qurap otyrǵanyn aıtyp ótti.

Bul rette qatań karantın kezeńinde jumyspen qamtylǵandardyń jalpy sany 727,8 myń adamǵa qysqardy. Qashyqtan jumys isteý rejımine, qarjy sektorynda, bilim berý, memlekettik basqarý, sondaı-aq, Aqparat jáne baılanys salalarynda jumys isteıtin 200 myń adam kóshti. Nátıjesinde 300 myńǵa jýyq adam ýaqytsha tabyssyz qaldy.

– Megapolıstiń áleýmettik-ekonomıkalyq ómirin kezeń-kezeńmen qalpyna keltirý josparyna sáıkes ekonomıkalyq belsendilikti qalpyna keltirý úshin úlken áleýeti bar jáne sonymen qatar koronavırýstyq ınfeksııany taratý úshin eń az táýekelderi bar sektorlar anyqtaldy. Bul – qajetti sanıtarlyq-epıdemıologııalyq talaptardy saqtaı otyryp, 20 sáýirden bastap iske qosylýy múmkin ónerkásip pen qurylys salalary, – dedi qala ákimi Baqytjan Saǵyntaev.

О́nerkásip salasyndaǵy shekteýlerdi alyp tastaý nátıjesinde 42,2 myń adam óz jumys oryndaryna oralady.

Qurylys maýsymynyń bastalýyna oraı, sondaı-aq «Jumyspen qamtýdyń jol kartasy» jáne jańa jobalardy iske asyrýǵa baǵyttalǵan «Nurly jer» baǵdarlamasy aıasynda 34,5 myń jańa jumys ornyn ashý, ásirese qurylys salasynda, josparda bar. Sonymen qatar, aýqymdy qurylys jumystarynyń bastalýymen jobalaýshylar men izdestirýshilerge, ınjınırıngtik kompanııalar (avtorlyq jáne tehnıkalyq qadaǵalaý), jobalardy saraptaý sııaqty mamandar men qyzmetter kategorııalaryna qajettilik paıda bolady.

Budan ózge qurylys salasynyń úzdiksiz jumys isteýin qamtamasyz etý maqsatynda kóterme qurylys naryǵyn ashý qajet (qosymsha qorytyndysy boıynsha 10,8 myń adam). Osylaısha, osy sala boıynsha jumyspen qamtylǵandardyń sany 45,3 myń adamǵa ulǵaıady.

Budan ózge «BJK-2025» jáne «Qarapaıym zattar ekonomıkasy» baǵdarlamalaryn iske asyrýǵa qatysatyn kásipkerlerdiń kepil múlkin memlekettik tirkeý úshin notarıýstar men HQKO qyzmetin qaıta bastaý josparlanýda.

Aldyn ala derekter boıynsha, 20 sáýirden bastap jumyspen qamtylǵandardyń jalpy sany bir aı ishinde 89,4 myń adamǵa kóbeıedi.

Shekteýlerdi kezeń-kezeńmen alyp tastaý qoǵamdyq kólikterdi, sonyń ishinde aıaldamalar men metro aıaldamalaryn, kásiporyndardyń ózderiniń jumys oryndary men halyq kóp jınalatyn oryndardy jappaı zalalsyzdandyrýmen qatar júredi.

Eki saǵatqa sozylǵan onlaın-kezdesýde Almaty qalasynyń ákimi Baqytjan Saǵyntaev qoǵam belsendileri jáne BAQ ókilderinen kelip túsken eń ózekti degen 25 saýalǵa jaýap berdi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir