16 Sáýir, 2020 Din

QMDB bıylǵy pitir sadaqa mólsherin bekitti

muftyat.kz

Búgin elordada Bas múftı Naýryzbaı qajy Taǵanulynyń tóraǵalyǵymen Qazaqstan musylmandary dinı basqarmasynyń Ramazan aıy qarsańynda dástúrli Tóralqa májilisi ótti, dep jazady Qamshy.kz aqparat agenttigi  muftyat.kz saıtynyń deregin negizge alyp. 

Onlaın rejımde ótken májiliske naıb múftı Ershat Ońǵarov, QMDB Apparat basshysy Ǵylymbek Májıev, Ǵulamalar keńesiniń músheleri, QMDB bólim meńgerýshileri men oblys jáne respýblıkalyq mańyzy bar qalalardyń bas ımamdary qatysty.

Jıynda QMDB Sharıǵat jáne pátýa bólimi meńgerýshisiniń orynbasary Hasan Amanqulov Ramazan aıynda beriletin pidııa, pitir sadaqasy men zeket mólsherin anyqtaýdyń mańyzy jaıynda baıandama jasady.

QMDB Tóralqa májilisiniń sheshimimen bıyl bir adam atynan beriletin pitir sadaqa mólsheri 370 teńge dep bekitildi. Pitir sadaqanyń quny unnyń respýblıka boıynsha eseptegende naryqtyq ortasha baǵasymen shyǵaryldy. Al materıaldyq jaǵdaıy bar azamattar pitir sadaqany meıiz nemese qurma qunymen bergeni abzal.

Aıta ketsek, bıyl Ramazan aıy 24 sáýirde bastalady. Bul týraly Bas múftı Naýryzbaı qajy Taǵanuly Prezıdent janyndaǵy Ortalyq kommýnıkasııalar qyzmetinde tikeleı efırde ótken brıfıngte málimdegen bolatyn.     

Ilmek sózder: QMDB Ramazan aıy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir