QR Prezıdenti Qasym-Jomart Toqaev Ulttyq bankti Nur-Sultanǵa kóshirý týraly Jarlyqqa qol qoıdy. Jarlyqtyń tolyq mátini tómende usynylǵan.

«Qazaqstan Respýblıkasynyń Prezıdenti týraly» 1995 jylǵy 26 jeltoqsandaǵy Qazaqstan Respýblıkasy Konstıtýsııalyq zańynyń 17-1-baby 2-tarmaǵynyń 1) tarmaqshasyna jáne 21-baby 2-tarmaǵynyń 1) tarmaqshasyna sáıkes QAÝLY ETEMIN:

1. Qazaqstan Respýblıkasynyń Ulttyq Banki:

1) 2020 jylǵy 1 shildege deıin Qazaqstan Respýblıkasy Ulttyq Bankiniń ortalyq apparatyn Almaty qalasynan Nur-Sultan qalasyna kóshirýdi qamtamasyz etsin;

2) osy Jarlyqtan týyndaıtyn ózge sharalardy qabyldasyn.

2. «Qazaqstan Respýblıkasy Ulttyq Bankiniń erejesin jáne qurylymyn bekitý týraly» Qazaqstan Respýblıkasy Prezıdentiniń 2003 jylǵy 31 jeltoqsandaǵy № 1271 Jarlyǵyna (Qazaqstan Respýblıkasynyń PÚAJ-y, 2004 j., № 50, 640-qujat) mynadaı ózgeris engizilsin: joǵaryda atalǵan Jarlyqpen bekitilgen Qazaqstan Respýblıkasynyń Ulttyq Banki týraly erejede: 9-tarmaq mynadaı redaksııada jazylsyn: «9. Qazaqstan Ulttyq Banki ortalyq apparatynyń ornalasqan jeri: Qazaqstan Respýblıkasy, Z05T8F6, Nur-Sultan qalasy, «Esil» aýdany, Máńgilik El dańǵyly, 57A ǵımaraty.».

3. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.

4. Osy Jarlyqtyń 2020 jylǵy 1 shildeden bastap qoldanysqa engiziletin 2- tarmaǵyn qospaǵanda, osy Jarlyq qol qoıylǵan kúninen bastap qoldanysqa engiziledi.

Qazaqstan Respýblıkasynyń Prezıdenti Q. Toqaev



Ilmek sózder: Ulttyq bank

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir