Pekın Máskeýden oralǵan Qytaı azamattary pandemııany qaıta órshitýi múmkin ekenin aıtyp, shekara baqylaýyn kúsheıtti, – dep jazady The Wall Street Journal.

Qytaı resmı aqparattary boıynsha, sáýir aıynyń basynan bastap Qytaıda jańa ınfeksııalardyń jartysynan kóbi shetelden kelgenderden anyqtalǵan. Sol sebepti, Qytaı sońǵy kúnderi Reseımen shekaralarynyń bir bóligin jaýyp tastady.

Resmı málimetterge sáıkes, sáýir aıynyń basynan beri 658 koronavırýs juqtyrýshynyń jartysy shetelden kelgen. Olar Reseıden Qytaıdyń Heılýnszıan provınsııasyna kirgen qytaı azamattary. Olar Máskeýden 27 naýryzdan bastap Vladıvostok arqyly Qytaıǵa kirgen, dep habarlady Heılýnszıan densaýlyq saqtaý komıssııasy.

О́tken aptada Máskeý meri Sergeı Sobıanın qalada karantın jarııalanǵan soń ondaǵan Qytaı azamaty karantın erejelerin buzǵany úshin deportasııalanǵanyn habarlaǵan. Alaıda deportasııalanǵan adamdardyń arasynda vırýs juqtyrýshylar bar-joǵy aıtylmady.

Sáýirdiń birinshi aptasynda vırýs juqtyrýshylarlyń kóbeıýi Qytaıdy Reseımen barlyq shekaralyq ótkizýlerin jabýǵa májbúr etti, dep habarlady Máskeýdegi Qytaı elshiligi.

5 sáýirde Máskeýden Beıjińge ushqan Air China avıakompanııasynyń reısinen koronavırýs juqtyrǵan 35 jolaýshy anyqtalǵan, dep habarlady Qytaı densaýlyq saqtaý qyzmetkerleri. Shanhaı qalalyq densaýlyq saqtaý komıssııasynyń habarlaýynsha, Qytaı bılik organdary 10 sáýirde Máskeýden Shanhaıǵa Reseıdiń jetekshi tasymaldaýshysy «Aeroflot» kompanııasynyń jolaýshylarynan 60 jańa jaǵdaıdy tirkedi. Eki reısten de jolaýshylar karantınge alynǵan.

Reseıden kirgen jolaýshylar arasynda vırýs juqtyrýshylardyń sany kúrt artýyna baılanysty, Qytaıdyń Reseımen shekara aımaǵyndaǵy Sýfenhe qalasynyń mańynda 330 baqylaý-ótkizý pýnkti qoıylǵan jáne ondaǵy barlyq turǵyn úıler qaıta karantınge jabylǵan. Turǵyndarǵa azyq-túlik alý úshin úsh kúnde bir ret úılerinen shyǵýǵa múmkindik berilgen. Jańa ınfeksııalardyń aldyn alý úshin provınsııalyq úkimet Reseımen shekarany kesip ótken zańsyz áreketter týraly habarlaǵan azamattarǵa syıaqy usynatynyn málimdegen.

Al Jazeera men Reuters Reseı shekarasy Qytaıdyń koronavırýspen soǵysynda alǵy shepke aınaldy degen mazmunda habar taratqan. 

"Qamshy" silteıdi
Ilmek sózder: koronavırýs

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir