• USD 468.56

  • EUR 497.56

  • RUB 7.3

  • CNY 67.18

29 Naýryz, 08:45:00
Almaty
+35°

Eldegi epıdemııalyq jaǵdaıdy eskere otyryp «Almaty – Adaldyq alańy» jobalyq keńsesi jáne Almaty qalasynyń Sybaılas jemqorlyqqa qarsy qyzmeti aýrýhanalardyń COVID-19 vırýsymen kúresýge daıyndyǵynyń jaı-kúıine monıtorıng jasady, dep jazady ákimdiktiń baspasóz qyzmeti.

Búgin qyzmetkerler 7-shi qalalyq klınıkalyq aýrýhanada boldy.

Monıtorıng maskalar, jeke qorǵanys quraldary, dezınfeksııa, halattar, respıratorlar jáne aýrýhananyń jalpy vırýspen kúresýge daıyndyǵyna qatysty júrgizildi.

Sondaı-aq elde epıdemııanyń kóp taralý kezeńi jáne áleýmettik narazylyqqa baılanysty Sybaılas jemqorlyqqa qarsy qyzmet ókilderi medısınalyq qyzmetkerlerdiń jaǵdaıy týraly, aýrýhananyń jabdyqtalýy boıynsha áńgime ótkizdi.

Koronavırýstyń negizgi asqynýy – pnevmonııa jáne ókpe fıbrozy. Aýyr naýqastardy qutqarý úshin tek reanımatolog qana emes, sonymen birge arnaıy jabdyqtalǵan aýrýhana tósegi de qajet: Eń aldymen ókpe jeldetkish apparattary (ókpeni mehanıkalyq jeldetý) jáne ekstrakorporaldy membrana ottegisi.

Dárigerler aýyr naýqastardy ıntýbasııalaý kezinde erekshe qaýipke ıe naýqasty mehanıkalyq jeldetýge aýystyrý kezinde pasıenttermen tyǵyz baılanysta bolady.

a

Áńgime barysynda Departamenttiń jáne «Almaty – Adaldyq Alańy» jobalyq keńsesiniń ókilderi aýrýhana mamandardyń jetkilikti biliktiligine, koronavırýstyq ınfeksııany jeńýge degen jeke nıettestigi men adaldyǵyna senimdi boldy. Barlyq medısına qyzmetkerleri adam densaýlyǵy úshin kúreste ózderiniń jaýapkershilikterin túsinedi.

– Aýrýhana ákimshiligi pasıentterge tıimdi kómek kórsetý úshin aýrýhana qyzmetkerlerlerine qaýipsiz jumys ornyn jasaý – basty baǵyttarynyń biri ekenin moıyndaý kerek. Koronavırýstyq ınfeksııamen sátti kúreste medısına qyzmetkerleriniń kásibı mindetterin sapaly jáne adal atqarýyn aýrýhanaǵa kelip kórý belgili bir optımızmdi oıatty, – dep monıtorıng nátıjelerimen Almaty qalasy Sybaılas jemqorlyqqa qarsy qyzmet basshysynyń birinshi orynbasary bólisti.

– Mundaı monıtorıng turaqty negizde júrgiziletin bolady. Biz aýrýhana dárigerleri qajetti qural-jabdyqtarmen jabdyqtalǵanyn kórip otyrmyz. Bul ońaı jumys emes ekenin bilemiz. Qyzmetkerler  kún saıyn  óz jumystaryn atqarýda. Sondyqtan eldegi qazirgi jaǵdaıǵa baılanysty biz barlyq azamattardan úıde bolýyn suraımyz, – dedi «Almaty – Adaldyq alańy» jobalyq keńsesiniń jetekshisi Aleksandr Bratenkov.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir