Tótenshe jaǵdaı kezinde qaıtys bolǵan adamnyń qyrqy men jylyn berýge bola ma?

Tótenshe jaǵdaı kezinde qaıtys bolǵan adamnyń jetisin, qyrqy men jylyn berý sekildi rásimderdi keıinge qaldyrýǵa ruqsat etiledi. Bul týraly Qazaqstan musylmandary dinı basqarmasynyń tóraǵasy, bas múftı Naýryzbaı qajy Taǵanuly málimdedi.

– Bizdiń elde adam qaıtys bolǵannan keıin jetisin, qyrqyn, jylyn berý degen dástúr bar. Bul sharıǵattyń mindetti qulshylyǵy emes, bul saýapty ister. Sharıǵatymyzda tótenshe jaǵdaı kezinde mundaı sharalardy keıinge qaldyrýǵa ruqsat etiledi. Iаǵnı, tótenshe jaǵdaı aıaqtalǵannan keıin, Alla qalasa, qyrqyn nemese basqa asty berýge bolady, – dedi bas múftı.